ايماقتار • 03 ءساۋىر، 2021

قىزىلوردا قالاسىنىڭ بۇرىنعى اكىمى قۇرمەتتى ازامات اتاندى

575 رەت كورسەتىلدى

بۇگىن قىزىلوردا قالاسىنىڭ اكىمدىگىندە وبلىس اكىمى  گۇلشارا ابدىقالىقوۆانىڭ قاتىسۋىمەن اكتيۆ وتىرىسى ءوتتى. جيىنعا ايماق باسشىسىمەن قاتار مەملەكەت جانە قوعام قايراتكەرلەرى، وبلىستىق، قالالىق ءماسليحات دەپۋتاتتارى مەن دەربەس ءبولىم باسشىلارى، اۋىلدىق وكرۋگ اكىمدەرى، مەكەمە باسشىلارى قاتىستى. اكتيۆتە 8 جىلدان استام ۋاقىت قىزىلوردا قالاسىنىڭ اكىمى قىزمەتىن اتقارىپ، 1 ساۋىردەن باستاپ پرەمەر-ءمينيستردىڭ وكىمىمەن جاڭا لاۋازىمعا تاعايىندالعان  نۇرلىبەك نالىباەۆقا قۇرمەت كورسەتىلىپ، «قىزىلوردا قالاسىنىڭ قۇرمەتتى ازاماتى» اتاعى تابىستالدى، دەپ حابارلايدى Egemen.kz.

گۇلشارا ناۋشاقىزى شاھار باسشىسىنىڭ سەگىز جىلدا اتقارعان اۋقىمدى جۇمىستارىنا توقتالىپ، قىزىلوردا قالاسىنىڭ الەۋمەتتىك-ەكونوميكالىق، ينفراقۇرىلىمدىق دامۋى جولىنداعى جەمىستى جۇمىسىن ەرەكشە اتاپ ءوتتى. سونىمەن بىرگە ءوڭىر باسشىسى نۇرلىبەك ماشبەك ۇلىنىڭ الداعى ۋاقىتتا جاڭا قىزمەتىندە قولعا الار ەل مۇددەسى جولىنداعى ءاربىر باستاماسىنا سىر حالقى قاشان دا تىلەكشى ەكەندىگىن جەتكىزىپ، تالاي بيىكتەردى باعىندىرۋىن تىلەدى.

قالانىڭ سوڭعى جىلدارداعى دامۋ قارقىنى نۇرلىبەك ماشبەك ۇلىنىڭ ەرەكشە ۇيىمداستىرۋشىلىق جانە كوشباسشىلىق قابىلەتىنىڭ  جەمىسى دەگەن مەديتسينا سالاسىنىڭ بىلگىرى، سالا ارداگەرى تۇرعانباي ماحانوۆ شاھارداعى كوپ جەتىستىكتى دە قالا اكىمىنىڭ ەڭبەگىمەن بايلانىستىردى.

سونىمەن قاتار اكتيۆ وتىرىسىندا مەملەكەت جانە قوعام قايراتكەرى ايتباي كوشەرباي، وبلىستىق ءماسليحات دەپۋتاتى شاكيزادا ابدىكارىموۆ پەن قالالىق ءماسليحات حاتشىسى يبادۋللا قۇتتىقوجاەۆ نۇرلىبەك ماشبەك ۇلىنىڭ ەڭبەك جولىنا، ەل قىزمەتىندەگى ەسەلى ەڭبەگىنە ەرەكشە توقتالدى.

ءوز كەزەگىندە ايماق باسشىسىنىڭ جوعارى باعاسىن الىپ،  ارىپتەستەس، اعا قىزمەتتەستەرىنىڭ قۇرمەتىنە بولەنگەن نۇرلىبەك نالىباەۆ «قالا اكىمى قىزمەتىن اتقارۋعا مۇمكىندىك جاساعان ەلباسى مەن مەملەكەت باسشىسىنا، ايماق باسشىلارىنا، جاقسىلىعىمىزدى اسىرىپ، كەمشىلىگىمىزدى كەشىرگەن سىر حالقىنا العاۋسىز العىس ايتىپ، مەنى قولداعان بارشا ارىپتەستەرىمە شەكسىز ريزاشىلىعىمدى بىلدىرگىم كەلەدى. قىزىلورداعا اكىم بولىپ، قالا تىزگىنىن قولعا ۇستاعالى بەرى اتقارعان جۇمىسىمىزدى جۇرتشىلىق جاقسى بىلەدى دەپ ويلايمىن. قالانى دامىتۋ جولىندا اۋقىمدى تىرلىكتى جالعىز ءوزىم ىستەدىم دەۋدەن اۋلاقپىن. ارىپتەستەسىمنەن بولەك تۇرعىندارعا دەيىن ورتاق ىسكە ۇلەس قوستى. قىزىلوردانىڭ كەلەشەگىنە بەي-جاي قارامايتىن ءاربىر ازاماتتىڭ پىكىرىمەن ساناستىق. «سىن تۇزەلمەي، ءمىن تۇزەلمەيدى» دەپ جاتادى. ءبىز ايتىلعان ءاربىر سىننان، پىكىردەن، كەڭەستەن ناتيجە شىعارۋ ءۇشىن جۇمىس جاسادىق. بىرلەسە ارتقارعان جۇمىس كوپ»، - دەدى.

سونداي-اق بۇرىنڭى قالا باسشىسى قانداي قىزمەتتە بولسا دا ءوزى ءۇشىن قىزىلوردانىڭ ورنى ەرەكشە ەكەنىن اتاپ ءوتتى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ۇقساس جاڭالىقتار