«بۇگىن 22:30-دا نۇر-سۇلتان قالاسىنىڭ ءورت ءسوندىرۋ بولىمدەرىنىڭ ماماندارى سارىارقا اۋدانى, بوگەنباي باتىر 69 مەكەنجايى, شاپاعات بازارىنا شاقىرتۋعا اتتاندى. بارا سالىسىمەن شاتىردىڭ جانە سىرتقى جابىندى قاباتتىڭ ورتەنىپ جاتقانى انىقتالدى. قازىرگى ساتتە ءورت ءسوندىرۋ جۇمىستارى جۇرگىزىلىپ جاتىر» دەلىنگەن قالالىق تجد ءباسپاسوز قىزمەتى تاراتقان حابارلامادا.
الدىن الا اقپاراتتار بويىنشا وقيعا ورنىندا شۇعىل ءورت ءسوندىرۋ شتابى قۇرىلعان. قۇربان بولعاندار مەن جاپا شەككەن ەشكىم جوق. ءورتتى نۇر-سۇلتان قالاسى تجد-عا قاراستى 8 تەحنيكا مەن 32 مامان ءسوندىرىپ جاتىر.
