مەديتسينا • 02 ءساۋىر، 2021

شىعىس قازاقستاندا جوعارى وقۋ ورنىنىڭ قىزمەتكەرلەرى ەكپە سالدىرىپ جاتىر

5147 رەت كورسەتىلدى

30 ناۋرىزدان باستاپ د.سەرىكباەۆ اتىنداعى شقتۋ وقىتۋشىلارى مەن قىزمەتكەرلەرى كوروناۆيرۋس ينفەكتسياسىنا قارسى ۆاكتسينا سالدىرىپ جاتىر، دەپ حابارلايدى Egemen.kz

اتى جامان ىندەتكە قارسى ەكپەنى وقۋ ورنىندا العاشقىلاردىڭ ءبىرى بولىپ، ۋنيۆەرسيتەت رەكتورى جاسۇلان شايماردانوۆ الدى. سول كۇنى رەكتور قىزمەتكەرلەرمەن ۆاكتسيناعا بايلانىستى ءوز پىكىرىمەن ءبولىسىپ، ونىڭ ماڭىزدىلىعى تۋرالى ايتتى. وسىلايشا، ءبىرىنشى كۇنى ءبىلىم ورداسىنىڭ 50-گە جۋىق  مامانى ەكپە سالدىردى.

شقتۋ-دىڭ ءبىرىنشى پرورەكتورى ساۋلە راحمەتۋللينا دارىگەردىڭ قاراۋىنان كەيىن ەكپە پروتسەدۋراسىنا ەكى-اق مينۋت ۋاقىت كەتەتىنىن ايتادى.

– ءار ازامات تۋرالى اقپارات ەلەكتروندى بازادا بار ەكەن. دارىگەر ونى قاراپ، پاتسيەنتتىڭ قان قىسىمىن تەكسەرىپ، كوروناۆيرۋس ينفەكتسياسى سيمپتومدارى بولعان بولماعانىن سۇرادى. كەيىن ەكپە سالدىرۋعا كەلىسىم بەرەتىن قاعازعا قول قويعىزدى. پروتسەدۋرادان كەيىن مەنى جارتى ساعاتتاي ءوز باقىلاۋلارىندا ۇستادى. شىنىمدى ايتسام، ەرەكشە ەشتەنە سەزبەدىم، جاعدايىم ادەتتەگىدەي بولدى، – دەدى پرورەكتور. 

ەكپە سالدىرعاننان كەيىن ناۋقاستىڭ ۇيالى تەلەفونىنا «سپۋتنيك-V» پرەپاراتىنىڭ ءبىرىنشى دوزاسىن العانى تۋرالى جانە ەكىنشى كومپونەنتتى سالاتىن ۋاقىتى كوتسەتىلگەن SMS حابارلاما كەلەدى.

ايتا كەتەرلىگى، دۇنيەجۇزىلىك دەنساۋلىق ساقتاۋ ۇيىمى بۇل پاندەميادان ۆاكتسينا جاساۋ ارقىلى عانا شىعا الاتىنىمىزدى ايتقان بولاتىن.

 

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار