قوعام • 01 ءساۋىر، 2021

كولىك سالىعىنا قاتىستى توپ-8 سۇراققا جاۋاپ

13 رەت كورسەتىلدى

مەملەكەتتىك كىرىستەر كوميتەتى كولىك سالىعىنا قاتىستى ەڭ كوپ قويىلاتىن 8 سۇراققا جاۋاپ بەردى، دەپ حابارلايدى Egemen.kz اتالعان ۆەدومستۆونىڭ ءباسپاسوز قىزمەتىنە سىلتەمە جاساپ.

№1-سۇراق

ەگەر مەن كولىكتى سەنىمحات بويىنشا ساتسام، سالىقتى مەن تولەيمىن بە الدە اۆتوكولىكتىڭ ناقتى پايدالانۋشىسى تولەي مە؟

جاۋاپ:

سالىق كودەكسىنە سايكەس سالىق تولەۋشى كولىك قۇرالىنا مەنشىك قۇقىعى تىركەلگەن جەكە تۇلعا بولىپ تابىلادى. كولىك قۇرالى سىزگە تيەسىلى بولعاندىقتان سالىقتى ءسىز تولەيسىز. ناقتى پايدالانۋشى ءسىزدىڭ اتىڭىزدان وسى كولىك قۇرالىنا سالىق تولەي الادى (جىبەرىلەتىن تولەمدە  كولىك يەسىنىڭ جسن جانە ت.ءا.ج كورسەتىلۋى قاجەت).

 

№2-سۇراق

«Kaspi Bank» اق ءموبيلدى قوسىمشاسىندا باسقا جەكە تۇلعالار بويىنشا كولىك قۇرالدارى سالىعىنىڭ سوماسى تۋرالى حابارلاما كەلدى.

جاۋاپ:

وتكەن جىلى ءسىزدىڭ ءموبيلدى قوسىمشاڭىزدى پايدالانىپ، ءۇشىنشى تۇلعالارعا سالىق تولەنگەندىكتەن، پايدالانۋشىعا وسى ءۇشىنشى تۇلعاعا حابارلاما جىبەرىلدى (جسن كورسەتىلگەن).  وسىلايشا ءبىز سىزگە بۇل ەسكەرتۋدى ەلەمەۋگە جانە بۇل تۇلعا ءۇشىن تولەم جاساماۋعا كەڭەس بەرەمىز.

 

№3-سۇراق

جۇبايى كۇيەۋى ءۇشىن سالىق تولەدى، الايدا كۇيەۋىنە كولىك سالىعى ءۇشىن قارىز كەلدى.

جاۋاپ:

سالىق كودەكسىنە سايكەس سالىق تولەۋشى بولىپ كولىك قۇرالىنا مەنشىك قۇقىعى تىركەلگەن جەكە تۇلعا بولىپ تابىلادى. بۇل جاعدايدا كۇيەۋى سالىق تولەۋشى بولىپ تابىلادى، ويتكەنى كولىك قۇرالى كۇيەۋىنە تيەسىلى نەمەسە جۇبايى جولداسىنىڭ اتىنان وسى كولىك قۇرالىنا سالىق تولەي الادى (جىبەرىلەتىن تولەمدە كولىك يەسىنىڭ جسن جانە ت.ءا.ج كورسەتىلۋى قاجەت).

 

№4-سۇراق

ەگەر اۆتوكولىك بىرنەشە جىل بۇرىن ساتىلسا جانە وعان سالىق قازىر عانا پايدا بولسا نە ىستەۋ كەرەك؟

جاۋاپ:

كولىك قۇرالدارى سالىعى قازاقستان رەسپۋبليكاسىنىڭ ىشكى ىستەر مينيسترلىگى اكىمشىلىك پوليتسيا كوميتەتىنىڭ ورتالىق دەرەكتەر بازاسى مالىمەتتەرىنىڭ نەگىزىندە ەسەپتەلەدى.

ەگەر ۋاكىلەتتى ورگاننىڭ مالىمەتتەرى بويىنشا كولىك قۇرالى ەسەپتە تۇرعان جاعدايدا، سالىق ورگاندارى وسىنداي كولىك قۇرالى بويىنشا سالىقتى ەسەپتەۋگە مىندەتتى.

كولىك قۇرالىن ەسەپتەن شىعارۋ ءۇشىن مامانداندىرىلعان حقكو نەمەسە حقكو جۇگىنۋ قاجەت. بۇل رەتتە تىركەۋ ەسەبىنەن شىعارۋ كۇنىنە دەيىن ەسەپتەلگەن بەرەشەك پەن سالىق سوماسىن تولەۋ قاجەت.

 

№5-سۇراق

اۆتوكولىك 2016 جىلدىڭ مامىر ايىنان باستاپ ۇرلاۋ فاكتىسى بويىنشا ىزدەۋدە. مەن سالىق تولەۋىم كەرەك پە؟

جاۋاپ:

ىزدەستىرۋدەگى كولىك قۇرالىن ىزدەستىرۋ كەزەڭىندە سالىق تولەۋدەن بوساتۋ ءۇشىن كولىك قۇرالدارىن تىركەۋ سالاسىنداعى ۋاكىلەتتى مەملەكەتتىك ورگان سالىق ورگاندارى ۇسىناتىن قىلمىستىق ءىس قوزعاۋ فاكتىسىن (كۇنىن) راستايتىن مالىمەتتەر نەگىز بولىپ تابىلادى.

مۇنداي سالىقتى ەسەپتەۋ قىلمىستىق ءىس قوزعالعان كۇننەن باستاپ توقتاتىلادى جانە كولىك قۇرالىن ايداپ اكەتۋ جانە ونى قايتارۋ تۋرالى قىلمىستىق ءىس توقتاتىلعان كۇننەن باستاپ قايتا باستالادى.

جوعارىدا ايتىلعانداردى ەسكەرە وتىرىپ، ءسىز ءتيىستى قىلمىستىق ءىس قوزعالعان كۇننەن باستاپ ىزدەستىرۋ كەزەڭىندە كولىك قۇرالدارى سالىعىن تولەۋشى بولىپ تابىلمايسىز.

 

№6-سۇراق

كولىك جول وقيعاسىنان كەيىن، كولىگىم جارامسىز كۇيدە. وسى اۆتوكولىك ءۇشىن كولىك سالىعىن تولەۋ كەرەك پە؟

جاۋاپ:

ءيا، سالىق تولەنۋى كەرەك، ازىرگە كولىكتىڭ يەسى بار جانە كولىك جول پوليتسياسى ورگاندارىندا تىركەۋ ەسەبىندە تۇر. وسىنداي كولىك قۇرالى بويىنشا سالىق مىندەتتەمەسىن ورىنداۋدى توقتاتۋ ءۇشىن ونى تىركەۋ ەسەبىنەن شىعارۋ قاجەت.

 

№7-سۇراق

كولىك سالىعى بويىنشا قارىز كەلدى. كولىك 2020 جىلى ساتىلدى جانە سالىق ەسەپتەن شىعارىلعان كەزدە تولەندى.

جاۋاپ:

سالىق ورگانىنىڭ بارلىق ەسەپتەۋلەرى جانە تولەنگەن سالىق سومالارى سالىق تولەۋشىنىڭ دەربەس شوتىندا كورسەتىلەدى.

سونىمەن بىرگە ءىس جۇزىندە ازاماتتار كولىك قۇرالىن يەلەنۋدىڭ سوڭعى جىلى ءۇشىن سالىق تولەيتىن جاعدايلار ءجيى تۋىندايدى، دەگەنمەن ءىس جۇزىندە ولار الدىڭعى كەزەڭدەر ءۇشىن قارىزدارىن وتەيدى. وسىلايشا ءىس جۇزىندە ولار وتكەن كەزەڭدەر ءۇشىن سالىق بەرەشەگىن تولەيدى، ال وسى جىلعا سالىق تولەنبەيدى. وسىعان بايلانىستى كەلەسى جىلعى كولىك قۇرالىن ەسەپتەن شىعارعانعا دەيىن ونىڭ ناقتى يەلەنۋ كەزەڭى ءۇشىن سالىق سوماسى كەلەدى. وسىلايشا قارىز تۋرالى اقپارات العان جاعدايدا، ءسىز سالىق بەرەشەگىن تولەۋىڭىز قاجەت.

 

№8-سۇراق

2020 جىلى شەتەلدەن كولەمى 5700 تەكشە سانتيمەتر «لەكسۋس 570» اۆتوكولىگى اكەلىنىپ، ەسەپكە قويىلدى. سالىق ورگانىندا 500 مىڭ تەڭگەدەن ارتىق سالىق سوماسى ەسەپتەلىندى. نەلىكتەن سالىق سوماسى مۇنداي ۇلكەن؟

جاۋاپ:

قازاقستان رەسپۋبليكاسىندا 2013 جىلعى 31 جەلتوقساننان كەيىن شىعارىلعان (جاسالعان نەمەسە قۇراستىرىلعان) نەمەسە قازاقستان رەسپۋبليكاسىنىڭ اۋماعىنا 2013 جىلعى 31 جەلتوقساننان كەيىن اكەلىنگەن، قوزعالتقىشىنىڭ كولەمى 3000 تەكشە سانتيمەتردەن اساتىن جەڭىل اۆتوموبيلدەر ءۇشىن سالىق كودەكسىنىڭ 492-بابىنىڭ 2-تارماعىنا سايكەس جوعارى ستاۆكا بويىنشا ەسەپتەلەدى.

وسىلايشا، ءسىزدىڭ جاعدايدا ءسىزدىڭ كولىگىڭىزدىڭ باستاپقى تىركەۋ كۇنى – 2020 جىل، ياعني 2013 جىلدىڭ  31 جەلتوقسانىنان كەيىن، سالىق سايكەسىنشە جوعارى مولشەرلەمەمەن ەسەپتەلەدى.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار