ايماقتار • 01 ءساۋىر، 2021

جىل باسىنان بەرى پەتروپاۆلدا ماجبۇرلەپ ەمدەلۋگە 23 ادام جىبەرىلدى

64 رەت كورسەتىلدى

جىل باسىنان بەرى پەتروپاۆلدا اششى سۋدىڭ بۋىمەن 53 قىلمىس جاسالعان، ونىڭ ىشىندە دەنساۋلىققا زيان كەلتىرۋدىڭ بارلىق جاعدايلارى ورىن العان. ارتىق ىشىلگەن الكوگول وتباسى-تۇرمىستىق قاتىناستار سالاسىندا جاسالاتىن زورلىق-زومبىلىق فاكتىلەرىنىڭ نەگىزگى سەبەپشىسى بولىپ وتىر، دەپ حابارلايدى Egemen.kz.

پەتروپاۆل قالاسىندا تۇراتىن 59 جاستاعى ايەل 35 جاستاعى ۇلىن ماجبۇرلەپ ەمدەلۋگە جىبەرۋ ءۇشىن بىرنەشە رەت ءوتىنىش جازعان. ەر ادام 10 جىل بويى ماسكۇنەمدەر ەسەبىندە تۇر. ەش جەردە جۇمىس ىستەمەيدى، اناسىنىڭ جالاقىسىمەن كۇن كورەدى. ماساڭ كۇيدە جانجال شىعارادى. تۇزەلەمىن دەپ ۋادە بەرىپ، اناسىنا جازعان وتىنىشتەرىن تالاي رەت قايتارتقان.

الايدا ۇرىس-كەرىستىڭ سوڭى كۇش كورسەتۋگە اكەلمەي تۇرعاندا ءىستى سوڭىنا دەيىن جەتكىزۋ قاجەت ەكەنىنە ۋچاسكەلىك پوليتسيا ينسپەكتورى، پوليتسيا كاپيتانى اسىلتاس جاڭابەكوۆ ايەلدى كوندىرەدى. ءسويتىپ ماسكۇنەم ناۋرىز ايىنىڭ سوڭىندا ماجبۇرلەپ ەمدەلۋدىڭ ناركولوگيالىق ۇيىمىنا جىبەرىلدى. اناسىندا جانجالدار اياقتالدى دەگەن ءۇمىت پايدا بولدى.

«جىل باسىنان پەتروپاۆل قالاسىنىڭ ۋچاسكەلىك پوليتسيا ينسپەكتورلارى 23 ادامدى ماجبۇرلەپ ەمدەلۋگە جىبەرگەن. بۇل ماسەلەدەن شىعاراتىن جالعىز جول – ەمدەلۋ»، دەيدى قالالىق پب باسقارماسى باستىعىنىڭ ءبىرىنشى ورىنباسارى، پوليتسيا پودپولكوۆنيگى الىبەك عابدۋللين.

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

ۇقساس جاڭالىقتار