بۇگىنگى تاڭدا وبلىستىڭ 20 باستاپقى ارداگەرلەر ۇيىمىندا 2350 زەينەتكەر بار, ولاردىڭ ىشىندە: 2 – ۇلى وتان سوعىسىنا قاتىسۋشى, 15 تىل ەڭبەككەرى, 25 اۋعان جاۋىنگەرى. بەلسەندى ارداگەرلەر جاستارعا پاتريوتتىق تاربيە بەرۋ جۇمىستارى مەن قامقورلىق جاساۋ ىسىنە ۇنەمى قاتىسىپ تۇرادى.
كەزدەسۋدە ارداگەرلەر كەڭەسىنىڭ جاڭا توراعاسى سايلاندى. اتى اڭىزعا اينالعان, 85 جاستاعى ميليتسيا پودپولكوۆنيگى سۇراعان كوپەەۆ – سولتۇستىكقازاقستاندىق پوليتسيا تاريحىندا پەتروپاۆل قالاسىنىڭ قۇرمەتتى ازاماتى اتانعان العاشقى پوليتسەي. 2005 جىلعى قىركۇيەك ايىنان ارداگەرلەر كەڭەسىن باسقارىپ كەلدى. جاسىنا بايلانىستى اقساقال قۇرمەتتى دەمالىسقا شىعۋعا ءماجبۇر بولدى. داۋىس بەرۋدىڭ قورىتىندىسى بويىنشا, سقو ۇلتتىق ۇلانى جانە ءىىو ارداگەرلەر كەڭەسىنىڭ جاڭا توراعاسى بولىپ اقان سىزدىقوۆ تاعايىندالدى. پوليتسيا پولكوۆنيگى سىزدىقوۆ تاۋەلسىز قازاقستاننىڭ پوليتسياسى قالىپتاسىپ كەلە جاتقان قيىن شاقتا كوپ جىلدار بويى وبلىستىق پوليتسيانىڭ جەتەكشى بولىنىستەرىنىڭ ءبىرى بولىپ تابىلاتىن – جەدەل-كريميناليستيكالىق باسقارماسىن باسقارعان.
جيىن ارداگەرلەردى مەدالدارمەن جانە العىس حاتتارمەن ماراپاتتاۋ راسىمىمەن اياقتالدى.
