ء«بىز الماتى قالاسىنداعى ناۋقاستاردان پاتولوگيالىق ماتەريالدى الدىق. زەرتتەۋلەردى بيولوگيالىق قاۋىپسىزدىك دەڭگەيى جوعارى زەرتحانادا جۇرگىزەمىز. بۇگىنگى تاڭدا عالىمدارىمىز وسى ۆيرۋستىڭ بريتاندىق جانە وڭتۇستىك افريكالىق شتامدارىن ءبولىپ شىعاردى. پاتولوگيالىق ماتەريال تەك 19 ناۋرىزدا الىندى. وسى شتامداردىڭ گەنەتيكالىق جانە بيولوگيالىق قاسيەتتەرى زەرتتەلىپ جاتىر. زەرتتەۋ ناتيجەلەرى بولاشاقتا تەحنولوگياسى جەتىلدىرىلگەن ۆاكتسينالاردى دايىنداۋ بارىسىندا پايدالانىلادى. بۇل تەحنولوگيا ءبىر كۇننىڭ ىشىندە جاسالمايتىنىن اتاپ وتكەن ءجون. زەرتتەۋ جۇمىستارى باستالىپ, بەلسەندى جۇرگىزىلىپ جاتىر. قازاقستاندىق ۆاكتسينا تۇتاس ۆيرۋستان جاسالعانىن ءتۇسىنۋ كەرەك. وندا ۆيرۋستىڭ بارلىق مۋتاتسيالانعان شتامىنا قارسى تۇرا الاتىن ۇلكەن يممۋنيتەتتىڭ پايدا بولۋىنا سەپ بولاتىن ۆيرۋس اقۋىزدارىنىڭ تولىق جيىنتىعى بار», دەدى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كۇنسۇلۋ زاكاريا.
