ايماقتار • 31 ناۋرىز، 2021

سقو-عا قاتىستى جاڭا كەشەندى جوسپار قابىلداندى

41 رەت كورسەتىلدى

كەشە سولتۇستىك قازاقستان وبلىسى ءۇشىن ايرىقشا وقيعا بولدى. پرەمەر-مينيستر اسقار مامين توراعالىق ەتكەن ۇكىمەت وتىرىسىندا سولتۇستىك قازاقستان وبلىسىنىڭ 2026 جىلعا دەيىنگى الەۋمەتتىك-ەكونوميكالىق دامۋىنىڭ كەشەندى جوسپارى قارالىپ، بەكىتىلدى. بۇل -سولتۇستىك قازاقستان وبلىسىنىڭ دامۋىنا بۇرىن بولماعان ەرەكشە قارجى قۇيۋ. ەلدىڭ شەتىندەگى، جەلدىڭ وتىندەگى وبلىسقا مەملەكەت تاراپىنان قاراستىرىلعان مۇنداي قامقورلىققا وبلىس تۇرعىندارى شەكسىز ريزاشىلىقتارىن بىلدىرۋدە.

بۇرىن ەلباسى ن.نازارباەۆ بەكىتكەن 2018-2021 جىلدارعا ارنالعان كەشەندى جوسپار ءوڭىردىڭ دامۋىنا وڭ اسەرىن تيگىزگەن بولاتىن. وتكەن ءۇش جىلدا وڭىردە، جامان ىندەتتىڭ كەسىرىنە قاراماي، جالپى وڭىرلىك ءونىم 34، ينۆەستيتسيا 50،  اۋىلشارۋاشىلىعى ءونىمى 54، وڭدەۋ ونەركاسىبى 37 پايىزعا ارتقان. بيزنەستىڭ وندىرىستەگى ۇلەسى 5 پايىزعا ۇلعايعان. جۇزدەگەن الەۋمەتتىك ماسەلەلەر شەشىلدى. بۇل ىستە وبلىس باسشىلىعى مەن ونىڭ كومانداسىنىڭ ىسكەرلىگىن دە ايتپاي كەتۋگە بولمايدى.

ال ەندى بيىل مەملەكەت باسشىسى قاسىم-جومارت توقاەۆتىڭ تىكەلەي تاپسىرماسىمەن وبلىس اكىمدىگى ۇكىمەتپەن بىرلەسىپ 2026 جىلعا دەيىنگى جاڭا كەشەندىك جوسپاردى ازىرلەدى. ونىڭ نەگىزگى باعىتتارىن وبلىس اكىمى قۇمار اقساقالوۆ ۇكىمەت وتىرىسىندا بايانداپ بەردى. الداعى بەس جىلدا جالپى قۇنى 1،8 ترلن تەڭگە بولاتىن 87 اۋقىمدى ءىس-شارالاردى ىسكە اسىرۋ جوسپارلانعان. اۋىلشارۋاشىلىعىندا 52 ءسۇت فەرماسى، 6 بورداقىلاۋ الاڭى، 2 قۇس فابريكاسى، قۇراماجەم زاۋىتى، وڭدەۋ كاسىپورىندارى، جىلىجايلار اشۋ قاراستىرىلعان. ونەركاسىپتە جاڭا تاۋ-كەن ءوندىرىس ورىندارىن اشۋ كوزدەلگەن، «قىزىلجار» ارنايى ەكونوميكالىق ايماعىنىڭ جۇمىسى بەلسەندىلىگىن ارتتىرماق. وبلىس جولدارىنىڭ 98 پايىزى ساپالى جولدار قاتارىنا جەتكىزىلەتىن بولادى.  2،3 ملن شارشى مەتر باسپانا سالىنباق. ونىڭ 500 مىڭ شارشىسى الەۋمەتتىك ءالسىز توپتارعا قاراستىرىلعان. وبلىس حالقىنىڭ 93 پايىزى ساپالى اۋىز سۋمەن قامتاماسىز ەتىلەتىن بولادى.  

حالىقتى، اسىرەسە، وسى ماسەلە تولعانتاتىن ەدى. ماسەلەن، ەسىل اۋدانىنداعى قالىڭ قازاق وتىراتىن تاۋاعاش اۋىلىنىڭ تۇرعىندارى ءالى كۇنگە قولدان قازعان قۇدىقتىڭ ساپاسىز سۋىن ىشۋگە ءماجبۇر بولىپ وتىر. جاڭا كەشەندى باعدارلاما وسىنداي تاسادا قالىپ كەلە جاتقان اۋىلداردى قامتيدى دەگەن ءۇمىت زور.

قۇمار ىرگەباي ۇلى بيۋدجەت قاراجاتى شىعىستارىنىڭ 35 پايىزى دەنساۋلىق ساقتاۋ مەن ءبىلىم سالاسىنا باعىتتالاتىنىن دا اتاپ ايتتى. بۇل وبلىس اۋرۋحانالارى مەن مەكتەپتەرىنىڭ ساپاسىن ارتتىرارى ءسوزسىز.

كەشەندى جوسپار تولىق ورىندالاتىن 2026 جىلعا قاراي وبلىستا اۋىلشارۋاشىلىعى ءونىمىنىڭ كولەمى 400 ملرد تەڭگەگە، وڭدەۋ سەكتورىنىڭ ونىمدەرى 67 پايىزعا، شاعىن جانە ورتا بيزنەس كولەمى 30 پايىزعا، ەكونوميكاداعى بيزنەس ۇلەسى 35 پايىزعا دەيىن ارتاتىن بولادى. وسىنىڭ ءبارى وبلىس تۇرعىندارىنىڭ دا ءال-اۋقاتىن ارتتىرىپ، تۇرمىستارىنىڭ جاقسارا تۇسۋىنە اسەر ەتەرى ءسوزسىز.

ەڭ باستىسى 26 مىڭنان استام جاڭا جۇمىس ورىندارى اشىلماق. بۇل ەڭبەك نارىعىندا تۇراقتىلىقتى ساقتاۋعا مۇمكىندىك بەرەدى. ەلىمىزدىڭ جۇمىس قولدارىنىڭ رەسۋرستارى ارتىق وڭىرلەردەن سولتۇستىككە قونىس اۋدارۋشىلار ۇلەسى ارتاتىن بولادى. مۇنىڭ ءوزى ەكونوميكالىق كۇش-قۋاتتى ارتتىرۋمەن قاتار ەلدىڭ قاۋىپسىزدىگىنە دە سەبىن تيگىزەتىن ماسەلە ەكەندىگى انىق.

ۇكىمەت وتىرىسىندا ۇلتتىق ەكونوميكا ءمينيسترى اسەت ەرعاليەۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، اۋىل شارۋاشىلىعى ءمينيسترى ساپارحان وماروۆ، ساۋدا جانە ينتەگراتسيا ءمينيسترى باقىت سۇلتانوۆ، ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ، دەنساۋلىق ساقتاۋ ءمينيسترى الەكسەي تسوي، ءبىلىم جانە عىلىم ءمينيسترى اسحات ايماعامبەتوۆتەر دە سويلەپ، ءوز سالالارى بويىنشا كەشەندى جوسپاردا قاراستىرىلعان سولتۇستىك قازاقستاندا ىسكە اسىرىلاتىن جوبالار تۋرالى باياندادى. سونىڭ ىشىندە CLAAS اۋىل شارۋاشىلىعى تەحنيكاسىنىڭ ءوندىرىسىن، «John Deere» سەرۆيس ورتالىعىن جەرسىندىرۋ، «اقسوراڭ» جانە «بايان» ۆولفرام-موليبدەن كەندەرىنىڭ كەن ورىندارىن يگەرۋ، سونداي-اق «ready-built factory» ءتيپى بويىنشا تاۋ-كەن مەتاللۋرگيا كومبيناتىن جانە جاڭا وندىرىستىك الاڭدار سالۋ كوزدەلگەنىن ايتا كەتۋ كەرەك. سونىمەن قاتار وڭىردە «قىزىلجار» ساۋدا-لوگيستيكالىق حابى قۇرىلاتىن بولادى ەكەن. ىسكەرلىك بەلسەندىلىكتى دامىتۋ ءۇشىن اۋە رەيستەرىنىڭ سانى ايىنا 16-دان 68-گە دەيىن ۇلعاياتىن كورىنەدى. تۋريستىك الەۋەتتى كۇشەيتۋ جانە سپورتتى دامىتۋ ماقساتىندا يمانتاۋ-شالقار كۋرورتتىق ايماعىندا كوپفۋنكتسيونالدى تۋريستىك كەشەن، پەتروپاۆل قالاسىندا 3 مىڭ ورىندىق سپورت سارايى سالىنباقشى. مەديتسينادا سالىنىپ جاتقان كوپسالالى اۋرۋحانامەن قاتار 47 مەديتسينالىق نىساندى پايدالانۋعا بەرۋ جوسپارلانعان. ەرەكشە ءبىلىم الۋ قاجەتتىلىگى بار بالالارعا ارنالعان 400 ورىندىق تۇزەتۋ مەكتەپ-ينتەرناتى جانە 16 مەكتەپ سالىنادى. نازارباەۆ ۋنيۆەرسيتەتىنىڭ تاجىريبەسى بويىنشا جوعارى وقۋ ورنىن، سونداي-اق اكادەميالىق كوشباسشى ورتالىعىن قۇرۋ جوسپارلانعان.

وسىنىڭ ءبارى كەشەندى جوسپاردىڭ اياسىندا الداعى ءۇش جىلدا ورىندالماقشى. جالپى ءوڭىرىمىزدى ءبىر سەرپىلتكەن جوسپاردىڭ ىسكە اسۋىنا وبلىس تۇرعىندارىنىڭ ءبارى دە مۇددەلى بولىپ وتىر. وسىنداي جوسپاردىڭ قاجەتتىلىگىن ۇكىمەت الدىندا دالەلدەي بىلگەن جانە ونى قابىلداتقان وبلىس اكىمدىگىنە، اكىم قۇمار اقساقالوۆقا حالىق ريزاشىلىعىن بىلدىرۋدە.

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار