وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جىل باسىنان بەرى اتىراۋدا كوپ قاباتتى تۇرعىن ۇيلەردىڭ تەرەزەسىنەن 10-عا جۋىق بالا قۇلاپ, جاراقات العان.
"تەرەزەنىڭ اشىق قالۋىنان 2-7 جاس ارالىعىنداعى بالالار ءجيى قۇلايدى. ويتكەنى, ولار تەرەزەنىڭ الدىندا ويناۋ قاۋىپتى ەكەنىن ەسكەرمەيدى. ال, اتا-انالار وسىنداي جاستاعى بالالاردى قاراۋسىز قالدىرادى. ماسەلەن, 27 ناۋرىزدا 5 جاستاعى 4-ءشى قاباتتاعى پاتەر تەرەزەسىنەن قۇلاپ كەتكەن. ونى اتا-اناسى تەرەزەسى اشىق تۇرعان بولمەدە جالعىز قالدىرعان" دەپ حابارلادى دەپارتامەنتتىڭ ءباسپاسوز قىزمەتىنەن.
قازىر جاراقات العان بالا وبلىستىق بالالار اۋرۋحاناسىندا ەم قابىلداپ جاتىر.
