بيىل 29 مارتە ۇيىمداستىرىلعان ەل بىرىنشىلىگىنىڭ پلەي-وفف كەزەڭىندەگى بارلىق كەزدەسۋدە جەڭىسكە جەتكەن «التاي» قازاقستاننىڭ بەس دۇركىن چەمپيونى اتاندى. 2005 جىلى قۇرىلعان وسكەمەن كلۋبى بۇعان دەيىن 2016, 2017, 2018 جانە 2019 جىلدارى باس جۇلدەنى ولجالاعان بولاتىن. ال ەكىنشى ورىنعا بىلتىرعى چەمپيوناتتا توپ جارعان تالدىقورعاننىڭ «جەتىسۋى» يە بولدى. ۇزدىك ۇشتىكتى پەتروپاۆلدىڭ «قۋانىش» كومانداسى تۇيىندەدى. ايتا كەتەيىك, «قۋانىش» تۇڭعىش رەت قازاقستان چەمپيوناتىنىڭ جۇلدەگەرلەرى قاتارىنان كورىندى.
ەل بىرىنشىلىگىنىڭ قورىتىندىسى بويىنشا, «جەتىسۋ» ويىنشىسى نادەجدا كودولا مەن «قۋانىش» كلۋبىنىڭ نامىسىن قورعايتىن سۆەتلانا پارۋكوۆا ءتۋرنيردىڭ «ۇزدىك شابۋىلشىسى» اتاعىن يەلەندى.
