تانىم • 31 ناۋرىز، 2021

ءجۇسىپ اتا جازبالارى تابىلدى

67 رەت كورسەتىلدى

قوجا احمەت ءياساۋيدىڭ جيەنى ءجۇسىپ اتاعا قاتىستى شەجى­رەنىڭ ءبىر بولىگى مەن ارنايى ءمور باسىلعان قۇجاتتار تابىلدى. شاعاتاي تىلىندە جازىلعان قولجازبانىڭ ۇزىندىعى – 3،5 مەتر. تاريحي جادىگەردى ءجۇسىپ اتانىڭ ۇرپاقتارى اتا­دان-بالاعا ميراس ەتىپ، كوزدىڭ قاراشىعىنداي ساقتاپ كەل­گەن.

ءحىى عاسىردا ءومىر سۇرگەن ءجۇسىپ اتا كەسەنەسى تۇركىستان قالا­سىنان 25 شاقىرىم جەر­دەگى ەسكى يقان ەلدى مەكە­نىن­دە ورنالاسقان. كەسەنە ەكى بول­­مەدەن تۇرادى. وڭتۇستىك شىعىسى – قابىرحانا. ۇلكەن بول­مەسى زياراتحانا ەسەبىندە سالىنعان. وعان دالەل – ميحراب بولماۋى. نىسانعا 2005 جىلى ارحەولوگ م.تۇياقباەۆ زەرتتەۋ جۇرگىزگەن.

سەيدالىم يۋلداشەۆ قاريا­نىڭ جەكە مۇراعاتىنان تابىل­عان بۇل جادىگەرلەردى ۇر­­پاق­تارى بۇعان دەيىن بىردە جەر­گە كومىپ، بىردە شاتىرعا جاسى­رىپ ساقتاپ كەلىپتى.

«8 جاسىمدا اتام، 18 جا­سىمدا اكەم ومىردەن ءوتتى. بۇل زاتتاردى اتام اكەمە، اكەم ماعان اماناتتاپ كەتتى.  مەن تاريحشى ەمەسپىن. بىراق مۇرا بولىپ ساقتالىپ بۇل دۇنيەلەردىڭ ءبىر كۇنى سۇراۋى بولاتىنىنا سەنىم ارتتىم. قىزى­عۋ­شى­­لىقپەن جازبالاردى وقي الاتىن كىسىلەرگە كورسەتتىم. مۇندا ناسابناما ەمەس، تاريح جازىلعان ەكەن. مەنىڭ ۇققانىم – ءجۇسىپ اتاعا قاتىستى دەرەكتەر، حاننىڭ جارلىقتارى، جەر-سۋ اتاۋلارى، حالىقتىڭ تىنىس-تىرشىلىگى جايلى مالىمەتتەر بار. قازىرگى شاعا اۋىلى شە­جىرەدە «جاعا» دەپ ايتىلسا، يقان اۋىلى سول كەزدىڭ وزىندە باۋ-باقشامەن اينالىسقانىن اڭعارۋعا بولادى. شەجىرەدە ءجۇسىپ اتامىز ياساۋي بابامىزعا كەلە جاتقان قوناقتاردى قارسى الىپ، 12 ءتۇرلى ءجۇزىم ۇسىنىپ، كۇتىپ العانى جايلى مالىمەت كەزدەسەدى. بۇل دە­رەك­تەردى تولىقتاي زەرتتەۋ عا­لىم­داردىڭ ەنشىسىندە»، دەيدى سەيدالىم نۋرشيددين ۇلى.

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار