فوتو: Depositphotos.com
وبلىستىق پروكۋراتۋرانىڭ مالىمەتىنشە, اقسۋ اۋدانى مەكتەپتەرىندە دەنساۋلىق ساقتاۋ تالاپتارى جۇيەلى تۇردە ساقتالماعان. تەكسەرۋ بارىسىندا مەديتسينالىق پۋنكتتەردە قاجەتتى ءدارى-دارمەك پەن قۇرال-جابدىقتاردىڭ جوق ەكەنى بەلگىلى بولدى. سونىمەن قاتار, كەيبىر ءبىلىم بەرۋ ۇيىمدارىندا وقۋشىلار سانىنا قاراماستان شتاتتىق مەديتسينا قىزمەتكەرلەرى قاراستىرىلماعان.
جالعان قۇجاتتار پايدالانعان: جەتىسۋ وبلىسىندا الاياق 5 جىلعا سوتتالدى
اتالعان ورگاننىڭ حابارلاۋىنشا, بۇل جاعدايلار سالدارىنان 3000-نان استام بالا ۋاقىتىلى مەديتسينالىق كومەك الۋ قۇقىعىنان شەكتەلگەن, بۇل قولدانىستاعى زاڭناما مەن كونستيتۋتسيا تالاپتارىنا قايشى كەلەدى. تەكسەرۋ قورىتىندىسى بويىنشا كىنالى تۇلعالار زاڭ شەڭبەرىندە جاۋاپكەرشىلىككە تارتىلىپ, ۋاكىلەتتى ورگاندارعا انىقتالعان كەمشىلىكتەردى جويۋ مىندەتى جۇكتەلىپ وتىر.
