اقىنمەن رەسمي قوشتاسۋ 21 ءساۋىر كۇنى ساعات 09:00-دە باستالادى. قارالى جيىنعا زيالى قاۋىم وكىلدەرى مەن قوشتاسۋعا نيەتتى ازاماتتار قاتىسا الادى.
مەملەكەت باسشىسى مۇحتار شاحانوۆتىڭ وتباسىنا كوڭىل ايتۋ جەدەلحاتىن جولدادى
وتەتىن ورنى: اباي اتىنداعى قازاق ۇلتتىق وپەرا جانە بالەت تەاترى (قابانباي باتىر كوشەسى, 110).
قوشتاسۋ راسىمىنەن كەيىن ساعات 11:30-دا جەرلەۋ ءراسىمى وتەدى. مۇحتار شاحانوۆتىڭ ءمايىتى الماتى قالاسىنداعى «كەڭساي-2» زيراتىنا قويىلادى.
مۇحتار شاحانوۆ قازاق رۋحانياتىنىڭ ءىرى وكىلى, جەلتوقسان وقيعاسىنىڭ اقيقاتىن اشۋعا كۇش سالعان قوعام قايراتكەرى, مەملەكەتتىك ءتىلدىڭ جاناشىرى رەتىندە ەل جادىندا ساقتالادى.
ايتا كەتەيىك, بۇعان دەيىن اقىننىڭ جارى حانشايىم شاحانوۆا پرەزيدەنت قاسىم-جومارت توقاەۆقا حات جولداپ, ونى ارىستانباب كەسەنەسىندە جەرلەۋ تۋرالى ءوتىنىش بىلدىرگەن ەدى.
