حالىقارالىق دەڭگەيدەگى بەدەلدى جارىس حالىقارالىق دزيۋدو فەدەراتسياسى كۇنتىزبەسىنە ەنگىزىلگەن. تۋرنير جاقسىلىق ۇشكەمپىروۆ اتىنداعى «جەكپە-جەك» سارايى كەشەنىندە وتەدى. مۇندا وليمپيادا ويىندارىنىڭ, الەم جانە قۇرلىق چەمپيوناتتارىنىڭ جۇلدەگەرلەرى مەن جەڭىمپازدارى بەلدەسەدى دەپ كۇتىلىپ وتىر.
IJF تالاپتارىنا سايكەس, جارىس قورىتىندىسىندا سپورتشىلارعا الەمدىك جانە وليمپيادالىق رەيتينگ ۇپايلارى بەرىلەدى: ءبىرىنشى ورىنعا – 1000, ەكىنشى ورىنعا – 700, ءۇشىنشى ورىنعا – 500 ۇپاي. بۇل كورسەتكىشتەر تاتامي شەبەرلەرى ءۇشىن اسا ماڭىزدى, ويتكەنى ولار 2028 جىلى لوس-اندجەلەستە وتەتىن جازعى وليمپيادا ويىندارىنا ىرىكتەلۋگە تىكەلەي اسەر ەتەدى.
Qazaqstan Barysy Grand Slam – تەك رەيتينگتىك تۋرنير عانا ەمەس, سونىمەن بىرگە قازاقستاننىڭ دزيۋدو الەمىندەگى ورنىن ايقىندايتىن ماڭىزدى دودا. ايتا كەتەيىك, قازاقستان دزيۋدو فەدەراتسياسى مەن حالىقارالىق دزيۋدو فەدەراتسياسى اراسىندا 2023 جىلى جاسالعان كەلىسىمگە سايكەس, ەلىمىز Grand Slam دەڭگەيىندەگى جارىستى 2026 جىلعا دەيىن قابىلداۋ قۇقىعىنا يە.
وسىلايشا, استانا تاعى دا جاھاندىق دزيۋدو قاۋىمداستىعىنىڭ نازارىن وزىنە اۋدارىپ, جانكۇيەرلەرگە جوعارى دەڭگەيدەگى تارتىستى بەلدەسۋلەر سىيلاماق.
دزيۋدودان ازيا چەمپيوناتى: قازاقستان قورجىنى بەسىنشى مەدالمەن تولىقتى
