فوتو: Depositphotos.com
جاڭا جۇيەنىڭ باستى ماقساتى – مۇعالىمدەرگە تۇسەتىن ارتىق جۇكتەمەنى ازايتىپ, ولاردىڭ نەگىزگى پەداگوگيكالىق قىزمەتىنە باسىمدىق بەرۋ. سوعان سايكەس بىلىكتىلىك ساناتتارىنا قويىلاتىن تالاپتار دا ايتارلىقتاي وڭتايلاندىرىلعان.
اتاپ ايتقاندا, «پەداگوگ-مودەراتور» ساناتى بويىنشا اشىق ساباقتار سانى 25-تەن 4-كە دەيىن قىسقارتىلادى, ال بىلىكتىلىكتى ارتتىرۋ كولەمى 72 ساعاتتان 36 ساعاتقا دەيىن ازايادى. سونىمەن بىرگە جوبالىق جۇمىسقا جانە تاربيە قىزمەتىنە قاتىسۋ مىندەتى ەنگىزىلەدى.
اتتەستاتسيا جۇيەسىندەگى وزگەرىستەر: تەست تاپسىرىپ ۇلگەرمەگەندەردىڭ ساناتى ساقتالا ما؟
«پەداگوگ-ەكسپەرت» ساناتىندا اشىق ساباقتار سانى قىسقارتىلىپ, تاجىريبەنى اۋداندىق نەمەسە قالالىق دەڭگەيدە تاراتۋ تەتىگى قاراستىرىلعان.
ال «پەداگوگ-زەرتتەۋشى» ءۇشىن جاڭا تالاپتار بەلگىلەندى: 6 اشىق ساباق (3 – وفلاين, 3 – ونلاين فورماتتا) وتكىزۋ, وبلىستىق دەڭگەيدە تاجىريبە تاراتۋ, 2 مۇعالىمگە ادىستەمەلىك قولداۋ كورسەتۋ جانە تاۋەكەل توبىنداعى وقۋشىلارمەن جۇمىس جۇرگىزۋ مىندەتتەلەدى.
«پەداگوگ-شەبەر» ساناتى بويىنشا تالاپتار ودان دا كەڭەيتىلگەن: 8 اشىق ساباق (4 – وفلاين, 4 – ونلاين) وتكىزۋ, رەسپۋبليكالىق دەڭگەيدە تاجىريبە تاراتۋ, 3 مۇعالىمگە مەنتورلىق قولداۋ كورسەتۋ, سونداي-اق ۆولونتەرلىك جانە تالىمگەرلىك قىزمەت ەسكەرىلەدى.
بۇعان دەيىن وقۋ-اعارتۋ مينيسترلىگى پەداگوگتەردىڭ ءبىلىمىن باعالاۋ تەستىن, اۆتورلىق باعدارلامالاردى ازىرلەۋ مەن تاپسىرۋ مىندەتىن جانە قاعاز پورتفوليو جيناۋدى الىپ تاستايتىنىن حابارلاعان بولاتىن.
ءبىلىم سالاسىنداعى وزگەرىس: مۇعالىمدەر ءۇشىن اۆتورلىق باعدارلاما جازۋ تالابى جويىلادى
جاڭا ءتاسىل مۇعالىمدەردىڭ كاسىبي دامۋىن جەڭىلدەتىپ, جۇيەنى بيۋروكراتيالىق جۇكتەمەدەن ارىلتۋعا باعىتتالعان.
