بۇل تۋرالى پرەمەر-مينيستر ولجاس بەكتەنوۆتىڭ توراعالىعىمەن وتكەن ۆەدومستۆوارالىق كوميسسيا وتىرىسىندا قالا اكىمى جەڭىس قاسىمبەك مالىمدەدى. ونىڭ ايتۋىنشا, ەلوردادا كولىك جۇيەسىن دامىتۋعا ارنالعان كەشەندى باعدارلاما جۇزەگە اسىرىلىپ جاتىر.
ەلوردالىق جۇرگىزۋشىلەرگە ەسكەرتۋ: اقان سەرى كوشەسىندە قوزعالىس شەكتەلەدى
وسى ماقساتتا جول قوزعالىسىن ءتيىمدى ۇيلەستىرۋ ءۇشىن بىرىڭعاي وپەراتور – جول قوزعالىسىن ۇيىمداستىرۋ ورتالىعى قۇرىلعان. ول ينتەللەكتۋالدى كولىك جۇيەسى (ITS) ارقىلى قوزعالىستى باسقارۋدى قامتاماسىز ەتەدى. قازىرگى تاڭدا قالاداعى 818 باعدارشامنىڭ 582-ءسى بەيىمدەلگەن, ال بۇل جۇمىستى تولىق اياقتاۋ بيىل جوسپارلانىپ وتىر.
سونىمەن قاتار جاڭا باعدارشامدار ورناتىلىپ, بەينەباقىلاۋ ينفراقۇرىلىمى جاڭعىرتىلىپ جاتىر. Presight AI Ltd كومپانياسىمەن بىرلەسىپ جۇزەگە اسىرىلىپ جاتقان Smart City جوباسى اياسىندا جول قوزعالىسى ەرەجەلەرىن اۆتوماتتى تۇردە تىركەيتىن 1200 جۇيە ىسكە قوسىلعان. بارلىق كامەرالار بىرىڭعاي احۋال ورتالىعىنا بىرىكتىرىلەدى.
