وقيعا • 31 ناۋرىز، 2021

ناۋقان بارلىق رەسۋرستارمەن قامتاماسىز ەتىلەدى

84 رەت كورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە «كوكتەمگى ەگىس جۇمىستارىنا دايىندىق» تاقىرىبىنداعى ءباسپاسوز كونفەرەنتسياسى ءوتتى. وعان اۋىل شارۋاشىلىعى مينيسترلىگى وسىمدىك شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ازات سۇلتانوۆ، اتالعان دەپارتامەنتتىڭ باسقارما باسشىسى مەدەت جادىگەر ۇلى، «اگرارلىق نەسيە كورپوراتسياسى» اق باسقارۋشى ديرەكتورى، باسقارما مۇشەسى ايبولات ابەنوۆ قاتىستى.

ا.سۇلتانوۆتىڭ ايتۋىنشا، مەملەكەت باسشىسىنىڭ تاپسىرماسىنا سايكەس، ەلىمىزدە تيىمدىلىگى جوعارى داقىلدار ال­قاپ­تارىن ۇلعايتۋ جانە ءوندىرىستى ءارتا­راپ­تاندىرۋ بويىنشا جۇمىس جالعاسۋدا. بيىل مايلى داقىلدار الاڭى 3 ملن گەكتاردى قۇرايدى دەپ بولجانۋدا، بۇل وتكەن جىلعى دەڭگەيدەن 63 مىڭ گەكتارعا ارتىق، جەمشوپ داقىلدارى – 3،4 ملن گەكتار بولسا، كوكونىس-باقشا داقىلدارىنىڭ اۋدانى وتكەن جىلدان 16 مىڭ گەكتارعا ارتىپ، 280 مىڭ گەكتاردى قۇرايتىن بولادى.

«وڭىردەگى قازىرگى جاعدايدا سۇرانىس­قا يە داقىلداردى، اتاپ ايتقاندا، الەۋمەت­تىك ماڭىزى بار تاۋارلاردى وندىرۋگە ارنالعان شيكىزات، قانت، قاراقۇمىق جارماسىن، كۇنباعىس مايىن جانە باسقا دا ماڭىزدى ونىمدەردى وندىرۋگە باسا نازار اۋدارىلادى، جەرگىلىكتى اتقارۋشى ورگاندارعا قاراقۇمىق الاڭىن بۇرىن جوسپارلانعان 89 مىڭ گەكتاردىڭ ورنىنا 103 مىڭ گەكتارعا دەيىن، كارتوپتى 197 مىڭ گەكتاردىڭ ورنىنا 209 مىڭ گەكتارعا دەيىن كەڭەيتۋ ۇسىنىلدى. بۇل ەلدى سۇ­را­نىستىڭ ارتۋى بايقالاتىن ونىممەن قام­تاماسىز ەتۋگە مۇم­كىن­دىك بەرەدى» دەپ حابار­لادى دەپارتامەنت ديرەكتورى.

ۆەدومستۆو وكىلىنىڭ مالىم­دەۋىنشە، بيىلعى ەگىس ناۋقا­نى بارلىق قاجەتتى رەسۋرسپەن، اتاپ ايتقاندا، تۇقىممەن قامتاماسىز ەتىلەدى. بۇگىنگى تاڭدا 2،4 ملن توننا تۇقىم سەبىلدى، بۇل جوسپاردىڭ 100،2%-ىن قۇرايدى. 2021 جىلى تۇقىم شارۋاشىلىعىن قولداۋعا 11،8 ملرد تەڭگە ءبولىندى، بۇل 82،1 مىڭ توننا ەليتا­لىق تۇقىم مەن 3،8 ملن دانا كوشەت ساتىپ الۋدى قارجىلاندىرۋعا مۇمكىندىك بەرەدى. مينەرالدىق تىڭايتقىشتار ساتىپ الۋدى سۋبسيديالاۋعا وبلىستاردىڭ جەرگىلىكتى بيۋدجەتتەرىندە 26،1 ملرد تەڭگە قاراستىرىلعان.

وبلىس اكىمدىكتەرىنىڭ جەدەل اقپاراتى بو­­يىنشا، كوك­تەمگى دالا جۇمىستارىن جۇ­ر­­گى­زۋ ءۇشىن بۇگىندە رەسپۋبليكا اگ­را­ر­شىلارىنا 117،6 مىڭ توننا مينەرالدى تى­­­­ڭايت­­قىش جەت­كىزىلگەن، جونەلتۋ جۇ­مىس­­­تارى جالعاسۋدا. ا.سۇلتانوۆتىڭ اي­تۋىن­­شا، سۋب­سيديالاۋعا وتىنىمدەردى قا­بىل­داۋ الماتى، جامبىل، قوستاناي جانە تۇركى­ستان وبلىستارىندا جۇرگىزىلۋ­دە، جاقىن ارادا باتىس قازاقستان جانە سول­­تۇس­تىك قازاقستان وبلىستارىندا باس­تا­لا­­­دى. قالعان وڭىرلەردە سۋبسيديا­لار تىز­بە­­­لەرى مەن نورمالارىن بەكىتۋ اياق­تالۋ­­عا جاقىن. ۇكى­مەتتىڭ سەلەكتورلىق وتى­رى­­­سىن­دا پرەمەر-مينيستر ۋاكىلەتتى مينيستر­­­لىك­كە اتالعان ماسەلە ءۇشىن ءبىر اپتا مەر­زىم بەردى. سوندىقتان باسقا وڭىرلەر تىڭايت­قىش­تارعا ءتيىستى سۋبسيديالاردى الا الادى.

ايتا كەتەيىك، پەستيتسيدتەردى سۋبسي­ديا­لاۋعا وبلىستاردىڭ جەرگى­لىكتى بيۋد­جەت­تەرىندە 30،6 ملرد تەڭگە قاراس­تى­رىلعان، بۇل قولايلى فيتوسانيتا­ريا­لىق جاعدايدى قامتاماسىز ەتۋگە مۇمكىندىك بەرەدى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار