ايماقتار • 30 ناۋرىز، 2021

الماتىعا وتاندىق ۆاكتسينانىڭ 6 مىڭ دوزاسى جەتكىزىلەدى

38 رەت كورسەتىلدى

الماتى قالاسىنا QazCOVID-in قازاقستاندىق ۆاكتسيناسىنىڭ 6 مىڭ دوزاسىن جانە «سپۋتنيك V» ۆاكتسيناسىنىڭ 65 مىڭ دوزاسىن جەتكىزۋ جوسپارلانىپ وتىر، دەپ حابارلايدى Egemen.kz

الماتىنىڭ باس مەملەكەتتىك سانيتاريا دارىگەرى جانداربەك بەكشين ونلاين-بريفينگتە ساۋىردە «وتاندىق ۆاكتسينانىڭ 6000 دوزاسىن قابىلداۋ جوسپارلانىپ وتىرعانىن» ايتتى. الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنباەۆ رەسەيلىك ۆاكتسينانىڭ جوسپارلى تۇردە جەتكىزىلگەنىن دە ايتتى.

«الماتىدا ساۋىردە جاپپاي ۆاكتسيناتسيا باستالادى. ۆاكتسيناتسيا پۋنكتتەرىن 250 جەردە ورنالاستىرۋ جوسپارلانىپ وتىر. نەگىزىنەن مەملەكەتتىك ەمحانالار، جەكە قۇرىلىمداعى مەديتسينالىق مەكەمەلەر قامتىلعان. بىراق ساۋدا ورتالىقتارىن دا تارتۋعا بولادى. كەلىسسوزدەر جۇرگىزىلىپ، جۇمىس توبى قۇرىلدى. دەنساۋلىق ساقتاۋ ءمينيسترى الەكسەي تسويدىڭ مالىمدەمەسىنە سۇيەنسەك، الماتىعا 65 مىڭنان اسا «سپۋتنيك V» ۆاكتسيناسىن اكەلۋ جوسپارلانعان»، دەدى ناريمان تابىنباەۆ.

بريفينگتە قالالىق دەنساۋلىق ساقتاۋ باسقارماسىنىڭ باسشىسىنا الماتىداعى جەكە مەديتسينالىق ورتالىقتا رەسەيلىك ۆاكتسينانى اقىلى تۇردە ەگۋ ۇسىنىلعانىن حابارلاندى. الايدا ول بۇل اقپاراتتى جوققا شىعارىپ: «ۆاكتسيناتسيا ماسەلەسى دەنساۋلىق ساقتاۋ مينيسترلىگىنىڭ باقىلاۋىندا. بارلىق ۆاكتسينالار ارنايى ورگانمەن «سك-فارماتسيا» جشس ارقىلى وڭىرلەرگە تاراتىلادى. الماتىدا «سك-فارماتسيا» جشس قىزمەتكەرلەرى پرەپاراتتى قالالىق ۆاكتسينالار قويماسىنا جەكە اپارىپ تاپسىرادى. الماتىعا باسقا ۆاكتسينالاردىڭ جەتكىزىلگەنى تۋرالى تۋرالى مالىمەت جوق»، دەپ ايتىپ ءوتتى.

ناريمان تابىنباەۆ جاپپاي ۆاكتسيناتسيا ادامنىڭ قاي جەردەگى اۋرۋحاناعا تىركەلگەنىنە قاراماستان تەگىن جۇرگىزىلەتىنىن ايتتى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار