ايماقتار • 29 ناۋرىز، 2021

ەلوردادا ءبىر تاۋلىكتە تاعى 10 مەكەمە كارانتين ءتارتىبىن بۇزعان

ەلوردانىڭ موبيلدىك توپتارى كارانتين تالاپتارىن بۇزاتىن كاسىپكەرلىك سۋبەكتىلەرىن انىقتاۋدى جالعاستىرۋدا. قالالىق مەكەمەلەردە كوبىنەسە بەتپەردە، الەۋمەتتىك قاشىقتىق جانە بەلگىلەنگەن جۇمىس ءتارتىبى ساقتالمايدى، دەپ حابارلايدى نۇر-سۇلتان اكىمدىگىنىڭ رەسمي سايتى.

اقمارال اعزامقىزى

وتكەن تاۋلىكتە ءموبيلدى توپتار كارانتين رەجيمىن بۇزعان 10 كاسىپكەرلىك سۋبەكتىنى انىقتادى.

ەسىل اۋدانىندا ءتورت دۇكەندە بەتپەردە رەجيمى ساقتالماعان، ونىڭ ىشىندە «Red mart» شاعىن ماركەتى، «ايالا» ازىق-ت ۇلىك دۇكەنى، «Bari bar» شاعىن ماركەتى جانە «ۆاش ماركەت» سۋپەرماركەتى بار. سونىمەن قاتار، بەلگىلەنبەگەن ۋاقىتتا «پاناەحالي» بارى مەن «حان تالاپاي» بانكەت زالى كەلۋشىلەرگە قىزمەت كورسەتتى.
سارىارقا اۋدانىندا ورنالاسقان «ديونا» دۇكەنىنىڭ ەكى فيليالى دا بەلگىلەنگەن رەجيمدى بۇزا وتىرىپ جۇمىس ىستەدى.

سونداي-اق الماتى اۋدانىنداعى «مياتا» لاۋندج-بارى مەن بايقوڭىر اۋدانىنداعى «كينو تايم» مەكەمەسى كارانتين رەجيمىن بۇزدى.

ءتارتىپ بۇزۋشىلارعا قاتىستى جينالعان ماتەريالدار اكىمشىلىك شارالار قابىلداۋ جانە ولاردى جاۋاپكەرشىلىككە تارتۋ ءۇشىن سانيتارلىق-ەپيدەميولوگيالىق باقىلاۋ باسقارماسىنا جولداندى.

ايتا كەتۋ كەرەك، ەلوردا 10 ناۋرىزدان باستاپ ەپيدەميولوگيالىق احۋالدى باعالاۋ بويىنشا «قىزىل ايماققا»ورنالاسقان. كارانتين رەجيمىن بۇزۋعا جول بەرمەۋ جونىندەگى ءموبيلدى توپتار كۇشەيتىلگەن رەجيمدە جۇمىسىن جالعاستىرۋدا. كاسىپكەرلىك سۋبەكتىلەرى سانيتارلىق نورمالاردى جانە كارانتين تالاپتارىن قاتاڭ ساقتاۋى، قايتا بۇزۋشىلىقتارعا جول بەرمەۋى ءتيىس. سونىمەن قاتار، قالا تۇرعىندارىنىڭ وزدەرى ادام كوپ جينالاتىن ورىنداردان اۋلاق بولۋى، سول سياقتى سانيتارلىق دارىگەردىڭ كەڭەسىن تولىق ورىنداپ، ءوزىن جانە وزگەلەردى قاۋىپتەن ساقتاۋى ءتيىس.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز