ساۋلىق ساقتاندىرىلۋدان باستالادى

ءمامس جۇيەسىن ىسكە اسىرۋداعى وزەكتى ماسەلەلەردىڭ ءبىرى – ازامات­تا­رىمىزدىڭ ساقتاندىرۋ مارتەبەسى ەكەنى بەلگىلى. قازىرگى ۋاقىتتا نۇر-سۇلتان قالاسى بويىنشا تۇر­­عىن­دار­دىڭ 82%-ى ءمامس جۇ­­يە­سى­نىڭ قاتىسۋشىلارى. ءبىر جىل­­دىڭ ىشىندە ساقتاندىرىلعان تۇر­­عىندار سانى 43 311 ادامعا كو­بەي­گەن. مىسالى 2020 جىلدىڭ قاڭتار ايىن­دا 922 893 ادام بولسا, 2021 جىل­دىڭ قاڭتار ايىنداعى كور­سەت­كىش – 966 204.

ء«الى 213 مىڭنان اسا قالا تۇر­عى­نى قامتىلماي, ءمامس جۇيە­سى­نەن تىس قالىپ وتىر. ولاردىڭ ىشىندە 90,1 مىڭى – جالدامالى جۇمىسكەرلەر, جەكە كاسىپكەرلەر مەن ازاماتتىق-قۇقىقتىق شارت نە­­گى­زىندە جۇمىس ىستەيتىندەر, بىر­ىڭ­­عاي جيىنتىق تولەم بويىنشا جارنا اۋداراتىندار, ءوز بەتىن­شە جار­نا تولەيتىندەر, جەكە پراك­تي­كا­مەن اينالىساتىن ادامدار – جۇيەلى, تۇراقتى تۇردە اۋدارىم جاسالماعاندىقتان ءمامس جۇ­يە­سىنەن تىس قالىپ وتىر», دەدى الەۋمەتتىك مەديتسينالىق ساق­تان­دى­رۋ قورىنىڭ نۇر-سۇلتان قالاسى بويىنشا فيليالىنىڭ ديرەكتورى نۇرلىبەك رىسقالي ۇلى.

جۇمىس بەرۋشىلەر قارا­ما­عىن­داعى قىزمەتكەرلەرى تۋرالى ما­لى­مەت­تى قوردىڭ msb.fms.kz ساي­تىنا ورنالاستىرىپ, ولاردى ساق­تان­دىرۋى ءتيىس.

«سوڭعى دەرەكتەر بويىنشا, نۇر-سۇلتان قالاسىندا بارلىعى 33 585 شوب سۋبەكتىلەرى تىركەلگەن. ولاردىڭ ىشىندە 22 178 سۋبەكت – اقپاراتتىق جۇيەدە ءوز دەرەك­تە­رىن جاڭارتقان, ال 11407 – اق­پا­راتتىق جۇيەدە ءوز دەرەكتەرىن ءالى جاڭارتپاعان. وسىلايشا 11 407 كاسىپورىننىڭ جۇمىسكەرلەرى ءمامس جۇيەسىنەن تىس قالادى. سون­دىقتان جۇمىس بەرۋشىلەر شوب جۇ­مىسكەرلەرىنىڭ مەديتسينالىق ساق­­تان­دىرۋ مارتەبەسىن ناقتى­لاۋ­دىڭ ماڭىزدىلىعىن تۇسىنۋلەرى قاجەت» دەپ, اتاپ ءوتتى ول.

ەستەرىڭىزگە سالا كەتسەك, مە­دي­­تسي­نالىق ساقتاندىرۋ قورى وسى­مەن ءتورتىنشى جىل قاتارى­نان كە­پىلدەندىرىلگەن تەگىن مە­دي­تسي­نا­لىق كومەك جانە مەديتسينالىق ساق­تاندىرۋ پاكەتى شەڭبەرىندە كور­سە­تىلگەن قىزمەتتەرگە اقى تولەپ كە­لەدى.

«2020 جىلى نۇر-سۇلتان قالا­سى بويىنشا 142,8 ملرد تەڭگە مول­شەرىندەگى سوماعا قىزمەت كور­سە­تىلدى. ونىڭ ىشىندە تمككك اياسىندا – 93,5 ملرد تەڭگە, ءمامس جۇيەسىندە – 49,3 ملرد تەڭگە. 2021 جىلى تۇرعىندارعا مەديتسينالىق قىز­مەت كورسەتۋگە 141,3 ملرد تەڭگە قا­راستىرىلعان. ونىڭ ىشىندە تمككك اياسىندا – 81,9 ملرد تەڭگە, ءمامس جۇيەسىندە – 59,4 ملرد تەڭگە. جالپى, مەديتسينالىق ساقتاندىرۋ – حالىقتىڭ دەن­ساۋ­لىق­قا جۇمسايتىن شى­عىندارىن قىسقارتۋعا باعىتتالعان رەفورما. ماسەلەن, ءمامس ىسكە قو­سىلعالى بەرى بۇرىن ازامات­تار قالتاسىنان تولەپ كەلگەن با­عا­سى قىمبات قىز­مەت­تەر قول­جە­تىم­دى بولا باستادى. 2020 جىل­دىڭ قو­رى­تىندىسى بو­يىن­­شا مەدي­تسي­نا­لىق ساقتاندىرۋ پا­كەتى شەڭ­بەرىندە كورسەتىلگەن قۇنى قىمبات قىزمەتتەر سانى وسكەن. نۇر-سۇلتان قالاسى بويىنشا ءمامس قارا­جا­تى ەسەبىنەن 5 ملن-عا جۋىق كون­سۋل­تاتيۆتىك-دياگنوستيكالىق قىز­­مەتتەر (7,7 ملرد تەڭگەگە) كور­سە­تىلدى. انگيوحيرۋرگيا, وفتالمولوگيا, كارديوحيرۋرگيا, نەيروحيرۋرگيا, تراۆماتولوگيا-ورتوپەديا باعىتىندا پاتسيەنتتەرگە جاسالعان وتالار سانى, سونداي-اق ەكو پروتسەدۋرالار سانى ارتتى. جۇرەك ىرعاعى بۇزىلۋى كەزىندە ەندو­ۆاسكۋليارلىق وتالار جاساۋ سە­كىلدى جوعارى تەحنولوگيالىق مە­دي­تسينالىق قىزمەتتەردى قولدانۋ كور­سەتكىشتەرى ارتقانى بايقالادى. مىسالى, اۆتوماتتى كارديوۆەرتەر/دەفيبريللياتور يمپلانتاتسياسى 1,5 ەسەگە ارتتى. مۇنداي وتالاردىڭ ورتاشا قۇنى 6 ملن تەڭگەدەن اسادى. شالا تۋعان بالالارداعى رەتينوپاتيانى ەمدەۋ وتالارى 1,5 ەسەگە, ەلەكتروماگنيتتى ەستۋ اپپاراتىن يمپلانتاتسيالاۋ 1,3 ەسەگە وسكەنى بايقالادى. وتالاردىڭ ورتاشا قۇنى 5,5 ملن تەڭگەنى قۇرايدى. مۇنداي وتا­­لار بالالار مۇگەدەكتىگىنىڭ الدىن الادى», دەدى ن.قابدىقاپاروۆ.

الەۋمەتتىك مەديتسينالىق ساق­تان­دىرۋ قورىنىڭ نۇر-سۇلتان قا­لاسى بويىنشا فيليالىنىڭ دي­­رەكتورى قوردىڭ 2021 جىلعى قىز­­مەتىنىڭ نەگىزگى باعىتتارىنا دا توق­­تالىپ ءوتتى.

«قوردىڭ 2021 جىلعى قىزمە­تى­نى­ڭ نەگىزگى باعىتتارى بەلگى­لەندى. ولار, العاشقى مەديتسينالىق-سا­نيتارلىق كومەكتىڭ باسىم با­عىت­تا­رىن دامىتۋ, جاقىن جەردەن كو­مەك الۋ قولجەتىمدىلىگى, سكرينينگ باع­دارلامالارى, تۇرعىندارعا اۋرۋدى باسقارۋ باعدارلامالارى تۋرا­لى اقپاراتتاندىرۋ, مەيىرگەر ءىسى مەن پاتروناج قىزمەتىن دامىتۋ, ەمدەۋ-دياگنوستيكالاۋ كەزەڭىن ۇيىمداستىرۋدا مەيىرگەر ءىسىن جان­داندىرۋ, اۋىل­دىق جەردەگى دەن­ساۋلىق ساقتاۋ ۇيىمدارىنا قول­داۋ كورسەتۋ ء(مامس جۇيە­سىن­­دە قارجىلاندىرۋدى ارتتىرۋ), پمك قامتۋ, «اڭساعان ءسابي» باع­دار­لاماسى اياسىندا جوعا­رى تەح­نول­وگيالىق مەدي­تسي­نالىق كو­مەك شارالارىن قارجى­لان­دى­رۋ­دى ارت­تىرۋ, قاشىقتىقتان مەدي­تسي­نا­لىق كومەك الۋ قىزمەتىن دامىتۋ, «قامقورلىق» باعدارلاماسى بويىنش­ا ەرەكشە كۇتىمدى قاجەت ەتەتىن بالالاردى مەديتسينالىق وڭالتۋ شارالارىن قولداۋ, بالالار دەن­ساۋلىعىن قورعاۋ, نەوناتالدى سكرينينگتى قارجىلاندىرۋ جانە پسي­حيكالىق-فيزيكالىق دامىتۋ ارقىلى سىرقات بەلگىلەرىن ەرتە انىقتاۋ جانە ونىڭ دامۋ­ىن­ا جول بەرمەۋ, مەكتەپتەگى مە­­ديتسي­نان­ى ودان ءارى دامىتۋ, ما­مان­دان­دىرىلعان مەديتسينالىق كومەك پەن جوعارى تەحنولوگيالىق دياگ­نوس­تيكالىق قىزمەتتەردىڭ قول­­جەتىم­دى­­لىگىن ارتتىرۋ, اكا­دە­ميا­لىق مە­دي­­­تسينانى دامىتۋ. بار­لىق باس­تا­­مالار قارجى جاعى­نان قام­تا­ما­سىز ەتىلگەن», دەدى ول.

سونىمەن قاتار ن.قابدىقاپاروۆ 2020 جىلى رەسپۋبليكا بويىنشا مىڭنان اسا وتباسى اتا-انا اتانۋ باقى­تىنا يە بولسا, 2021 جىلى جا­­ساندى ۇرىقتاندىرۋ شارالارىن جا­ساۋعا بولىنەتىن كۆوتا سانى 7 ەسەگە, ياعني 7مىڭعا ارتقانىن العا تارت­تى. بۇل باعىتتا نۇر-سۇلتان قالاسى بو­يىنشا 3 مەكەمە قىز­مەت كورسەتەدى. ولار – ەكومەد, ەكولايف, UMC.

«2021 جىلى دارىگەرلەر جالا­قىسىن 30%-عا دەيىن, ورتا مەدي­تسينا قىزمەتكەرلەرىنىڭ جالا­قى­سىن 20%-عا دەيىن كوتەرۋ قاراس­تى­رىل­عان. ەلوردادا 2020 جىلدىڭ قورىتىندىسى بويىنشا Covid-19 جانە ۆيرۋستىق پنەۆمونيامەن كۇ­رەسكەن 38,2 مىڭنان استام مەدي­تسي­نا قىزمەتكەرىنە قارجىلىق قول­داۋ كورسەتىلدى. 2020 جىلدىڭ ناۋ­رىز-جەلتوقسان ايلارىنىڭ ارا­لى­عىندا وسى ماقساتقا 14,1 ملرد تەڭگە باعىتتالدى. قازىرگى ۋاقىتتا الەۋ­مەتتىك مەديتسينالىق ساقتان­دى­رۋ قورىنىڭ نۇر-سۇلتان قالاسى بويىنشا فيليالى 2021 جىلدىڭ قاڭتار ايىنا دا ۇستەمەاقى تولەۋدى اياقتادى. بارلىعى 3 614 ( ءبىرىنشى قاۋىپ توبىندا ەڭبەك ەتكەن – 1 107, ەكىنشى قاۋىپ توبىنداعى – 1 068, ءۇشىنشى قاۋىپ توبىنداعى – 1 439) مەديتسينا قىزمەتكەرىنە ۇستەمەاقى تولەندى», دەيدى «الەۋمەتتىك مە­دي­­تسينالىق ساقتاندىرۋ قورى» كەاق نۇر-سۇلتان قالاسى بويىن­شا في­ليا­لىنىڭ ديرەكتورى ن.قابدى­قا­پاروۆ.

ءسوز سوڭىندا ول مەديتسينالىق ساق­تاندىرۋ قورى پاتسيەنتتەر قۇقى­عىن قورعايتىنىن ايتىپ, ازاماتتار ءموبيلدى قوسىمشالاردا ءوز دەرەكتەرىن تەكسەرۋگە جانە سايكەس­سىز­دىكتەر انىقتالعان جاعدايدا قور­دىڭ ەلوردالىق فيليالىنا حابار­لاۋعا شاقىردى. سونداي-اق, 1406 تەلەفونىنا نەمەسە Qoldau 24/7 ءموبيلدى قوسىمشاسى ارقىلى بايلانىسۋعا بولاتىنىن جەتكىزدى.