بىزگە قازىر بوس ءسوز ەمەس, ناقتى ءىس كەرەگىن ءتۇسىنۋىمىز كەرەك. كەلەلى پىكىرلەرگە كوڭىل بولگەن ورىندى.
ەڭ ماڭىزدىسى – نەگىزگى باعىتتان اينىماي, ەلدىڭ يگىلىگىن ماقسات ەتىپ دۇرىس زاڭ قابىلداپ, زاڭعا وڭتايلى, حالىقتىڭ ۇدەسىنەن شىعاتىن وزگەرىس ەنگىزۋگە اتسالىسۋ ماڭىزدى.
شىنى كەرەك, قازاقستاندا جەردى ءوز رەتىمەن قولدانۋ ىسىندە كەمشىلىكتەر بار. سولاردىڭ بارلىعى ۋاقىت تالابىنا ساي رەتتەلۋگە ءتيىس. جەردى اۋىل شارۋاشىلىعىنا پايدالانۋشىلاردىڭ الەۋەتىن كوتەرۋگە كوڭىل ءبولۋ قاجەت. ءبىز ۇلان-بايتاق جەرىمىزدىڭ الەۋەتىن ءوز دەڭگەيىندە قولدانا الماي كەلەمىز. قۇنارلى جەرلەردىڭ پايداسىن تولىق كورە الماي وتىرمىز. بۇل ورايدا, تەحنيكالىق, تەحنولوگيالىق كەدەرگىلەردى جويىپ, ءتيىستى شارتتار مەن ەرەجەلەردى ۋاقىت سۇرانىسىنا ساي وزگەرتكەن ابزال. وسىنى ەسكەرسەك, ونىمدىلىك 2-3 ەسە ارتادى.
تاعى ءبىر بايقاعانىم, ەلىمىزدىڭ اۋىل شارۋاشىلىعى سالاسىنىڭ ءىجو-دەگى ۇلەسى از. قازىرگى تاڭدا شامامەن 5 پايىزعا جۋىقتايدى. ال كورشىلەس وزبەكستان, ۋكراينا ەلدەرىندە اۋىل شارۋاشىلىعىنىڭ ۇلەسى جوعارى. ءبىز ەڭ كەم دەگەندە 15 پايىزعا جەتكىزۋدى ماقسات ەتۋىمىز قاجەت. سول كەزدە اۋىلدىڭ, اۋىل حالقىنىڭ دا الەۋمەتتىك جاعدايى جاقسارادى.
ايداربەك حودجانازاروۆ,
«ولجا اگرو» جشس باس ديرەكتورى
