ونەر • 26 ناۋرىز، 2021

ايلاكەر الدار

33 رەت كورسەتىلدى

استاناداعى قۋىرشاق تەاترى زاماناۋي وقيعالاردى ارقاۋ ەتكەن اقىلدى ايلاكەر الدار كوسە جايىنداعى جاڭا قويىلىمدى بالالارعا تارتۋ ەتتى. حالىق ەرتەگىسىنىڭ جەلىسى بويىنشا ساحنالانعان رەجيسسەر ايجان سالاەۆانىڭ «الدار كوسە جايلى نە بىلەمىز؟» اتتى قويىلىمى كىشكەنتاي كورەرمەننىڭ كوڭىلىنەن شىققان سىڭايلى.

الداردىڭ ماقساتى – ساراڭ بايدى، پايداكۇنەم ساۋداگەردى، وزبىر حاندى ءاجۋا ەتۋ. مىسالى، ول اسقان ساراڭدىعى ءۇشىن حالىق شىقبەرمەس شىعايباي اتاعان بايدىڭ اسىن ءىشىپ، اتىن ءمىنىپ كەتەدى. الىپساتار ساۋداگەردىڭ الدىنان وگىزدەرىن ايداپ كەتەدى. بىراق وقيعا  مۇنىمەن بىتپەيدى. ول قۋ، ز ۇلىم سايتاندارعا تاپ بولادى. الدار كوسە ولاردان اي­­­لاسىن اسىرىپ، دوستارىن زۇ­لىم­دىقتان قۇتقارا الا ما؟ قويى­لىمعا جينالعان الداردىڭ جاق­تاستارى مىنە، وسى سۇراققا جاۋاپ ىزدەيدى.

قويىلىمنىڭ اۆتورى جانە رەجيسسەرى – ايجان سالاەۆا، حورەوگرافى – يۋليا اميروۆا، قويۋشى سۋرەتشىسى – ەربولات سۇ­لەيمەنوۆ، كومپوزيتورى – اندرەي كوروتچەنكو. باس كەيىپكەر الدار كوسە ءرولىن ابۋ-سامات تۇسىپباەۆ پەن يلياس بازارباەۆ سومداسا، اكەسى مەن بايدى دارحان ءمۇ­سىلىموۆ، ەرجىگىت ابيتاەۆ، حان بەينەسىن نۇرجان احمەتوۆ، دوسىمحان بەيسەنباەۆ الىپ شىق­تى. ال ەرتەگىدەگى نەگىزگى كەيىپ­كەرلەر قىزىل سايتاندى اي­جان سادىقوۆا، ايدا بەرىكباي، كوك سايتاندى البينا بايروۆا، جاڭا­­گۇل ءشامشى نانىمدى ويناپ شىقتى.

– الدار كوسە قويىلىمىن ساح­­نالاۋعا بۇكىل تەاتر بولىپ جۇمىلدىق. الدار كوسە­نى زۇ­لىمدىقپەن كۇرەسكە جانقيار­لىقپەن اتسالىسقان كەيىپكەر رەتىندە بىلەمىز. ول ادامدارعا مەيىرىم تانىتىپ، ۇنەمى كو­مەك­تەسىپ جۇرەدى. كەز كەلگەن دۇ­نيەگە جاۋاپكەرشىلىكپەن قاراۋ، كەرەك كەزدە قول سوزۋ، اينالامىز­دا نە بولىپ جاتقانىنا نەم­قۇرايدى بولماۋ دەگەن سياقتى ۇستا­نىمداردى بالالارعا تۇسىن­دىرگىمىز كەلدى. ار، ادامدىق، ۇيات دەگەن دۇنيەلەردى اقشاعا سا­تىپ الۋعا بولمايتىندىعىن بىلسە دەيمىز. قازاق ەرتەگىلەرىنە ينستسەنيروۆكا جاساپ، سيۋجەتىن ءوز قالاۋىمىزشا زاماناۋي تۇردە جاساپ شىقتىق. ۇلتتىق سالت-ءداستۇر، تانىم  تۇرعىسىنان الىستاماۋدى دا ويلادىق، – دەيدى رەجيسسەر ايجان سالاەۆا.

اسقان ايلاكەرلىگىمەن جاق­سى­لىقتىڭ جاقتاۋشىسى، جا­مان­دىقتىڭ داتتاۋشىسى­ بول­عان الدار بەينەسى بۇل جولى دا ۇتىمدى شىقتى. ويت­كەنى كىشكەنتاي كورەرمەن پەيى­لى­نەن ايىپتاۋدى ەمەس، قاي­تا قۇپتاپ، قوشەمەتتەپ وتىر­عانىنا كۋا بولدىق. ال ساحنا ال­دىنا جايعاسقان شىنشىل ءھام تالعامپاز كورەرمەندى الداۋسىراتۋ استە مۇمكىن ەمەس.

– الدار كوسە وبرازىن الىپ شىعۋ قيىنعا ءتۇستى. باس كەيىپ­كەردىڭ قۋاقى بەت-بەينەسى تابي­عاتىما كەلە بەرمەيتىندىكتەن، ۇل­كەن دايىندىقتى تالاپ ەتتى. بۇل جولدا تەاترداعى جوعارى بۋىن ارتىستەردىڭ كوپ كومەگى ءتيدى، – دەيدى الدار ءرولىن سومداعان ءىلياس بازارباەۆ.

تاربيەلىك ءمانى زور حالىق دا­نالىعىن بۇگىنگى زامان بيىگىنەن تۇر­لەندىرىپ ۇسىنعان ونەر وردا­سىنىڭ ۇسىنار تاعىلىمدى دۇ­نيەسى مۇنىمەن تولاستاماق ەمەس. بۇگىنگى تاڭدا ەلوردالىق قۋىر­شاق تەاترىنىڭ رەپەرتۋارىن­دا «قاڭباق شال»، «ەر توس­تىك»، «ماڭگىلىك بالا بەينە»، «اتامەكەن»، «ارىستان پاتشا»، «ورماندا بولعان وقيعا»، «مەنىڭ سالعان سۋرەتىم» «و، توبا»، «انا قۇدىرەتى»، «اعايىندى گنومدار»، «جالقاۋدىڭ ايلاسى» سىندى وتىزعا تارتا قويىلىم بار. مۇنىڭ بارلىعى كوركەمدىك كەڭەستەن وتكەن ايتارى مول ەرتەگىلەر. ءبىرى دوستىق­تى دارىپتەسە، ەندى ءبىرى ادام­گەرشىلىككە، ادالدىققا، اناعا، جەرگە، ەلگە دەگەن سۇيىسپەنشىلىككە ۇندەيدى.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

«قىزىل ايماققا» قايتا ورالدى

ايماقتار • بۇگىن، 08:33

ۆاكتسينالاۋعا سەنىم ارتىپ كەلەدى

مەديتسينا • بۇگىن، 08:30

...ىشكى دايىندىعىم پىسپەي جاتىر

ادەبيەت • بۇگىن، 08:27

مۋزىكالى مامىر

تەاتر • بۇگىن، 08:25

قايتپاس 1 قاراڭعىلىق قۇشاعىندا

ايماقتار • بۇگىن، 08:23

بولاشاقتى بەينەلەيتىن NUR ALEM

قازاقستان • بۇگىن، 08:05

ۇقساس جاڭالىقتار