الەم • 25 ناۋرىز، 2021

فرج توراعاسى امەريكا ەكونوميكاسىنداعى جاعدايدىڭ ايتارلىقتاي جاقسارعانىن مالىمدەدى

34 رەت كورسەتىلدى

فەدەرالدىق رەزەرۆتىك جۇيەنىڭ (فرج) توراعاسى دجەروم پاۋەلل امەريكا ەكونوميكاسىنداعى جاعدايدىڭ ايتارلىقتاي جاقسارعانىن، بىراق ءالى قالپىنا كەلمەگەنىن اتاپ ءوتتى. The Wall Street Journal-دا جاريالاعان ماقالاسىندا COVID-19 پاندەمياسى تۋدىرعان رەتسەسسيا جىلدامدىعى، اۋقىمى مەن قارقىندىلىعى جاعىنان بۇرىن-سوڭدى بولماعانىن ەسكەرتتى، دەپ جازادى Egemen.kz.

«الەمدىك ينۆەستورلار قولما-قول اقشاعا جۇگىنە باستاعان كەزدە قارجى نارىعى تىعىرىققا تىرەلدى. ەكونوميكانىڭ كوپ بولىگى جۇمىسىن توقتاتتى، مەكتەپتەر جابىلدى، ادامدار جۇمىستارىن ۇيرەنشىكتى كەڭسەدە ەمەس، ءوز ۇيلەرىندە وتىرىپ جالعاستىردى. ۇلى رەتسەسسيا كەزىندە شىعىندار ەكى ەسە كوپ بولدى»، دەدى فەدەرالدى رەزەرۆتىڭ باسشىسى.
داعدارىستىڭ بۇرىن-سوڭدى بولماعان اۋقىمى بارلىق مەملەكەتتىك قۇرىلىمداردان ءبىر اۋىزدان جاۋاپكەرشىلىگىنە باسىمدىق بەردى. كونگرەسس سوعىستان كەيىنگى داۋىردەگى ەڭ قىمبات ەكونوميكالىق قالپىنا كەلتىرۋ پاكەتىن بەكىتتى. ء«بىز فەدەرالدىق قارجى مينيسترلىگىندە قارجىلىق داعدارىسقا جول بەرمەۋ جانە نەسيەنىڭ ءۇي شارۋاشىلىقتارى مەن كاسىپورىندارعا اعۋىن قامتاماسىز ەتۋ ءۇشىن بارلىق قۇرالداردى قولداندىق»، دەدى دجەروم پاۋەلل.
ودان ءارى توراعا جاعداي الدەقايدا جاقسارعانىنا، ونىڭ ىشىندە باستاپقىدا جوعالعان جۇمىس ورىندارىنىڭ جارتىسىنان ءسال استامى قالپىنا كەلتىرىلگەنىنە توقتالدى. «بىراق قالپىنا كەلتىرۋ ءالى اياقتالعان جوق، سوندىقتان ءبىز فرج-دا ەكونوميكانى قاجەت بولعان جاعدايدا قامتاماسىز ەتە بەرەمىز. مەن بۇل داعدارىستان بۇدان دا كۇشتى جانە جاقسى شىعاتىنىمىزعا سەنەمىن»، دەپ ءسوزىن تۇيىندەدى دجەروم پاۋەلل.

سوڭعى جاڭالىقتار

ۇقساس جاڭالىقتار