قوعام • 25 ناۋرىز، 2021

قانداستارعا نەلىكتەن جەر جالعا بەرىلمەيتىنى بەلگىلى بولدى

213 رەت كورسەتىلدى

جەر رەفورماسى جونىندەگى كوميسسيانىڭ ءى وتىرىسىندا «قازاق ادەبيەتى» گازەتىنىڭ باس رەداكتورى داۋرەن قۋات قانداستارعا جەر نەگە جالعا بەرىلمەيتىنىنە جانە ساتىلمايتىنىنا قاتىستى پىكىر ءبىلدىردى، دەپ حابارلايدى Egemen.kz

«قانداستارعا جەردىڭ جالعا بەرىلمەۋى، ساتىلماۋى تۋرالى مينيستر مىرزا تۇسىنىكتەمە بەرە كەتۋى كەرەك ەدى. بۇل اشىنا ايتاتىنداي اڭگىمە ەمەس. سەبەبى، قانداس دەگەنىمىز – ۋاقىتشا ستاتۋس. ءبىر جىلدىڭ ىشىندە شەتەلدەن كەلگەن ەتنيكالىق قازاقتارعا، ءوزىمىزدىڭ باۋىرلارىمىزعا ازاماتتىق بەرەمىز، ءبىر جىلدان كەيىن ازاماتتىق العان قانداستار قازاقستان ازاماتىنا تيەسىلى بارلىق مۇمكىندىكتەرگە يە بولادى. مۇنى مەن ادەيى قاداپ ايتقىم كەلەدى، نەگە دەسەڭىز، وسى جەر كوميسسياسىنىڭ وتىرىسىنان كەيىن «قانداستارعا جەر بەرىلمەيدى ەكەن، قانداستاردى كەۋدەسىنەن يتەرىپ وتىر» دەگەن ءسوز شىعىپ، الەۋمەتتىك جەلىدە ءتۇرلى پىكىرلەر بولۋى ىقتيمال. سوندىقتان، ماسەلەنىڭ باسىن اشىپ العان دۇرىس دەپ ويلايمىن»، دەدى د.قۋات.

بۇل رەتتە سپيكەر ەتنيكالىق قازاقتارعا ازاماتتىق بەرۋ جولدارىن جەڭىلدەتۋ كەرەكتىگىن ايتتى.

«ەكىنشى ماسەلە، جەر ماسەلەسىمەن كوپتەن شۇعىلدانىپ جۇرگەن ازاماتتار جينالىستا وتىر. دەي تۇرعانىمەن، ءبىز اۋىل شارۋاشىلىعى ماماندارىنىڭ ماسەلەلەرىنە تەرەڭدەپ بارا المايمىز. جەردى پايدالانۋدىڭ بارلىق تەتىكتەرىن شەشۋ ءۇشىن فەرمەرلەرمەن، اۋىل شارۋاشىلىعى سالاسىندا جۇمىس ىستەپ جۇرگەن ادامدارمەن ىمىراعا كەلۋىمىز كەرەك دەپ ويلايمىن. ولاردى كوبىرەك تىڭداۋىمىز كەرەك. الداعى وتىرىستارىمىزدا ونلاين بايلانىستار جاساۋ كەرەك شىعار. بىراق، ول اكىمدىك تاراپىنان بولماۋى كەرەك. اكىمدىك ادامدارىنىڭ بىرەۋدى دايىنداپ، وسىلاي سويلە، بىزدە ءبارى جاقسى دەپ ايتقانى كەرەك ەمەس. بىزگە كۇندەلىكتى ماسەلەنى كورىپ جۇرگەن فەرمەرلەردىڭ، ديقانداردىڭ نەمەسە مالشىلاردىڭ سويلەگەنى كەرەك، ولار ماسەلەنى شەشۋ جولدارىن ۇسىنا الادى»، دەيدى باس رەداكتور.

ءۇشىنشى ماسەلە رەتىندە سپيكەر جالعا بەرىلەتىن اۋىل شارۋاشىلىعى جەرلەرىندەگى تاريحي ەسكەرتكىشتەردى ەرەكشە قورعاۋعا الۋدى ۇسىندى.

«مىسالى، قاپال-اراساندا بايانجۇرەك جازبالارى بار، تاڭبالى تاس بار، ماڭعىستاۋدا ساندىقتاستار جاتىر، التايدا، ارقادا قانشاما ەسكەرتكىشكە تولى جەرلەر بار. وسى ەسكەرتكىشتەر جالعا الاتىن جەرگە كىرەتىن بولسا، جالعا الۋشىلار وعان تاريحي ەسكەرتكىش، قورىق دەپ قارامايدى، مال شارۋاشىلىعىنىڭ ىڭعايىنا پايدالانا بەرەدى. سوندىقتان، مەملەكەت بولاشاقتا جالعا بەرىلەتىن جەرلەر ىشىندە تاريحي ەسكرەتكىشتەر مەن ەرەكشە ءمانى بار جەرلەر بولسا، قورعاۋعا الۋى كەرەك»، دەدى داۋرەن قۋات.

سوڭعى جاڭالىقتار

التاي ۇزدىكتەرى انىقتالدى

ايماقتار • بۇگىن، 21:08

ءبىر وبلىس «قىزىل» ايماقتا تۇر

كوروناۆيرۋس • بۇگىن، 09:32

قازاقستاندا قانشا ادام ۆاكتسينا الدى

كوروناۆيرۋس • بۇگىن، 09:10

بۇگىن – تۇڭعىش پرەزيدەنت كۇنى

قازاقستان • بۇگىن، 09:04

ۇلى دالا مۇرالارى

ەلوردا • بۇگىن، 08:55

ۇزدىكتەر قاتارىنان كورىندى

سپورت • بۇگىن، 08:52

ەكى جۇلدە – «ەگەمەندىكتەردە»

ەگەمەن قازاقستان • بۇگىن، 08:50

تبيليسيدە توپ جاردى

سپورت • بۇگىن، 08:48

كاردينگ شابۋىلى

قوعام • بۇگىن، 08:45

قالامگەرگە ارنالعان كونفەرەنتسيا

قازاقستان • بۇگىن، 08:34

ۇقساس جاڭالىقتار