قاتىسۋشىلاردىڭ وتىنىمدەرىن قابىلداۋ 22 اقپان مەن 22 ناۋرىز ارالىعىندا جۇزەگە استى. وسى ۋاقىت ارالىعىندا قازاقستاننىڭ بارلىق وڭىرلەرىنەن 7 نوميناتسيا بويىنشا 2 790 ءوتىنىم كەلىپ ءتۇستى. ساۋالنامالار مادەنيەت جانە سپورت, ءبىلىم جانە قوعام نوميناتسيالارى بويىنشا كوپتەپ كەلدى. سونداي – اق بيىل جاڭا «ەكولوگيا» نوميناتسياسى قاتارعا قوسىلدى.
قازاقستاندىقتار 2021 جىلعى 25 مەن 31 ناۋرىز ارالىعىندا ءوز كانديداتتارىنا داۋىس بەرە الادى.
داۋىس بەرۋشى 100janaesim.ruh.kz سايتىنداعى قاتىسۋشىنىڭ پاراقشاسىنا ءوتىپ, فوتوسۋرەتتىڭ استىنداعى «داۋىس بەرۋ» تۇيمەسىن باسۋ قاجەت. داۋىس بەرۋدى تاڭداۋمەن تەرەزە اشىلادى, مۇنى ەكى جولمەن جاساۋعا بولادى: الەۋمەتتىك جەلىلەر نەمەسە ەلەكتروندىق پوشتا ارقىلى.
ەلەكتروندىق پوشتانى تاڭداعاندا, پوشتاعا داۋىس بەرۋ پاراعىنا ەنگىزۋ كەرەك كود كەلەدى. الەۋمەتتىك جەلىلەر ارقىلى داۋىس بەرۋدى تاڭداعان كەزدە اۆتوريزاتسيادان ءوتىپ, سودان كەيىن داۋىس بەرۋ كەرەك.
ءبىر IP-مەكەنجايدان ءار نوميناتسياداعى ءبىر ادامعا عانا داۋىس بەرۋگە بولادى. قاتىسۋشىنىڭ داۋىستارى جوعارعى وڭ جاقتاعى ساۋالنامادا كورسەتىلەدى. قۇقىق بۇزۋشىلىقتار نە وزگە دە بۇرمالاۋشىلىقتار, ونىڭ ىشىندە ونلاين-داۋىس بەرۋ كەزىندە داۋىستاردى بۇرمالاۋ انىقتالعان جاعدايدا, ۇيىمداستىرۋشىلار قاتىسۋشىنى جوبادان شىعارۋ قۇقىعىن وزىنە قالدىرادى.
داۋىس بەرۋ كەزىندە ەڭ كوپ بالل جيناعان جانە بەدەلدى قازىلار القاسى ىرىكتەگەن قاتىسۋشىلار جوبانىڭ جەڭىمپازدارى بولىپ اتانادى. بيىلعى جىلى قازىلار القاسىنىڭ مۇشەلەرى اراسىندا وتكەن جىلدارداعى جوبانىڭ جەڭىمپازدارى دا بار.
«قازاقستاننىڭ 100 جاڭا ەسىمى» جوباسى – تاۋەلسىزدىك جىلدارىندا تابىسقا قول جەتكىزگەن ءار ءتۇرلى وڭىرلەردەن, ءار ءتۇرلى جاستاعى جانە ار ەتنوس وكىلدەرىنەن شىققان ناقتى ادامداردىڭ تاريحى. 2017 جىلى بۇل جوبانىڭ باستاماشىسى ەلباسى ن.نازارباەۆ بولدى.
