ۇلتتىق ستاتيستيكا بيۋروسىنىڭ ەسەبى بويىنشا ەگەمەندىك العان جىلدان باستاپ 1040 بالاعا ناۋرىز ەسىمى بەرىلگەن.
بۇل ەسىممەن قىزداردى دا, ۇلداردى دا اتاعان. ونىڭ 443-ءى سوڭعى ون جىلدا تۋعان. ال بىلتىر ناۋرىز ەسىمدى 48 ءسابي ءومىر ەسىگىن اشقان.
ەسەپكە سايكەس كوبىنە-كوپ ناۋرىز ەسىمىن ماڭعىستاۋ ءوڭىرى 181 بالاعا قويعان. ال ودان كەيىن تۇركىستان وبلىسىندا - 157 جانە قىزىلوردا وبلىسىندا 135 نارەستە وسى ەسىمدى العان.
سونىمەن قاتار سولتۇستىك قازاقستاندا - 4, پاۆلودار وبلىسىندا - 11 جانە اقمولا وبلىسىندا 12 بالاعا ناۋرىز ەسىمى بەرىلگەن.
بۇگىنگى تاڭدا نۇر-سۇلتاندا - 20, الماتىدا - 30, جانە شىمكەنتتە - 63 ناۋرىز ەسىمدى بالا تۇرىپ جاتىر.
ەڭ قىزىعى, قازاقستاندا ناۋرىزدان بولەك ناۋرىزبەك, ناۋرىزباي, ناۋرىزعالي, ناۋرىزگۇل, ناۋرىزحان ەسىمدەرى دە كەزدەسىپ جاتادى.
بۇدان بولەك, بيىل 53 قازاقستاندىققا ءتۇبىرى ناۋرىز ءسوزى بار ەسىم قويىلعان.
