تجد ناۋرىزدىڭ 20 مەن 23 ارالىعىندا قاتتى داۋىل تۇرىپ, بوران بولاتىنىن SMS حابارلامالاردان جانە «دارمەن» موبيلدىك قوسىمشاسى ارقىلى ەسكەرتكەن. ءتىپتى, حابارلامالار سانى قالتافوندىق بايلانىستىڭ 628 مىڭ ابونەنتىن قامتىپتى. بىراق امال بار ما, ناۋرىز مەيرامىنداعى كوپ كۇندىك دەمالىس حالىقتى ۇيلەرىندە وتىرعىزباي, دالاعا, قوناققا, تويعا قۋعان...
ءۇش كۇن بويى سوعىپ تۇرعان قاتتى جەل سىرعىما جۇرگىزىپ, جەرگىلىكتى جولداردى عانا ەمەس رەسپۋبليكالىق ماڭىزى بار ۇلكەن جولداردىڭ ءوزىن قار الىپ قالعان. سونىڭ ىشىندە اقجار, ايىرتاۋ, تيميريازەۆ جانە تايىنشا اۋداندارىندا 12 قار باسىپ قالعان اۋماق تىركەلدى. مىنە, وسى ۋچاسكەلەر جوعارىدا ايتىلعان 200-دەن اسا جولاۋشىنى «تۇتقىن» ەتكەن. اسىرەسە ايىرتاۋ اۋدانىنداعى جاعداي قاۋىپتى بولدى. بارلىق قۇتقارىلعان 200 ادامنىڭ 149 وسى اۋداننىڭ اۋماعىندا بولدى. قۇتقارۋ جۇمىستارىنا 22 كولىكتەگى 27 ادام قاتىستىرىلدى. ولگەندەر مەن زارداپ شەككەندەر بولعان جوق.
سولتۇستىك قازاقستان وبلىسى
