22 ناۋرىزدان 23-ىنە قاراعان ءتۇنى قالانىڭ جولدارىن, تروتۋارلارىن, الاڭدارى مەن باسقا دا قوعامدىق اۋماقتارىن سانيتارلىق تازالاۋعا 450-دەن استام ارنايى تەحنيكا مەن 100-گە جۋىق جول جۇمىسشى جۇمىلدىرىلدى. ءبىر تاۋلىك ىشىندە ەلوردادان 31 مىڭ تەكشە مەتر قار شىعارىلدى.
بۇگىن, ياعني 23 ناۋرىزدا قار كۇرەۋگە 960 ارنايى تەحنيكا مەن 1700-دەن استام جول جۇمىسشى جۇمىلدىرىلدى.
ايتا كەتەيىك, نۇر-سۇلتان قالاسىندا قار كۇرەۋ جۇمىستارى كەشكى جانە تۇنگى ۋاقىتتا قارقىندى جۇرگىزىلەدى.
ءبىرىنشى كەزەكتە, ەرەجە بويىنشا جولداردا كەپتەلىس بولماۋى ءۇشىن قوزعالىسى وتە قارقىندى ۋچاسكەلەر تازارتىلادى. ودان ءارى ورتاشا قارقىندى ۋچاسكەلەر – الاڭدار, ۆوكزال ماڭىنداعى اۋماقتار, تروتۋارلار جانە ت.ب. قاردان تازارتىلادى.
جينالعان قار ەلوردادا ورنالاسقان 11 پوليگونعا شىعارىلادى. پوليگونداردا باقىلاۋ ءۇشىن فوتو جانە بەينەكامەرالار ورناتىلعان.
