جيىنعا ەۇۋ ل.ن. گۋميلەۆ ك.ا. اقىشەۆ اتىنداعى ارحەولوگيا عزي ديرەكتورى, ت.ع.ك. م.ك. حابدۋلينا, مەملەكەت تاريحى ينستيتۋتى ديرەكتورىنىڭ ءبىرىنشى ورىنباسارى, ت.ع.د., پروفەسسور ب. ع.اياعان, اقمولا وبلىسى مادەنيەت باسقارماسىنىڭ مالىك عابدۋلين اتىنداعى مۋزەيدىڭ ديرەكتورى ك.ر.مىرزابەك, اقمولا وبلىسى تسەلينوگراد اۋدانىنىڭ مادەنيەت جانە تىلدەردى دامىتۋ ءبولىمى ارتىستەرى قاتىستى.
ناۋرىز – بۇل كۇن كۇنتىزبەسى بويىنشا جاڭا جىلدىڭ العاشقى كۇنى, ول كوپتەگەن تۇركى مادەنيەتتەرىندە 21 ناۋرىزدا, كوكتەمگى كۇن مەن ءتۇننىڭ تەڭەسۋى كۇنى باستالادى. ناۋرىزدى تويلاۋ ءداستۇرى ەجەلگى تاريحقا يە, كوپتەگەن حالىقتار اراسىندا ساقتالعان جانە قازىرگى جاعدايدا ءوزىنىڭ مادەني-تاريحي ماڭىزدىلىعىن جوعالتقان جوق. بۇل جالپىادامزاتتىق قۇندىلىقتاردى بەكىتەتىن, قازىر دە قاستەرلى سانالاتىن سالت-داستۇرلەردى جاڭعىرتاتىن حالىقتىق مەرەكە.
قازاق حالقىنىڭ وتباسى مەن وسكەلەڭ ۇرپاقتىڭ تاربيەسىمەن بايلانىستى سالت-داستۇرلەرى – حالىق دانالىعى, فيلوسوفيا, دۇنيەتانۋ, ادامگەرشىلىك مۇراتتارى مەن ءداستۇرلى تۇرمىس-سالت بىرىكتىرىلگەن ونىڭ تاريحى مەن مادەنيەتىنىڭ جارقىن كورىنىستەرىنىڭ ءبىرى. ولار عاسىرلار بويى قالىپتاسىپ, ۇرپاقتار ساباقتاستىعى نەگىزىندە دامىدى.
ناۋرىز مەرەكەسىندە بالانىڭ العاشقى قادامدارىمەن بايلانىستى «تۇساۋكەسەر» ءراسىمى وتكىزىلدى. «تۇساۋكەسەر» ءراسىمىن وتكىزۋ بۇركىتباي عەلمان ۇلى اياعانعا, عالىمعا قۇرمەت بەلگىسى رەتىندە بەرىلدى, ونىڭ ىزىمەن ادەت-عۇرىپقا سايكەس بالا ءجۇرۋى ءتيىس.
بۇركىتباي عەلمان ۇلى ءوز سوزىندە ناۋرىز مەيرامىن تويلاۋ ءداستۇرى ەجەلگى تاريحقا يە, كوپتەگەن تۇركى حالىقتارىندا ساقتالعان, قازىرگى جاعدايدا ءوزىنىڭ مادەني-تاريحي ماڭىزدىلىعىن جوعالتپاعانىن اتاپ ءوتتى. عالىم ۇلتتىق كيىمدەردىڭ ايىرماشىلىعىن قىزىقتى فاكت دەپ سانايدى. قولا, ساق جانە تۇركى مادەنيەتى كەزەڭىنەن اتا-بابالارىمىزدىڭ كيىمدەرى ويۋ-ورنەكتىڭ بايلىعىمەن, كوكتەمگى تۇستەردىڭ نازىكتىگىمەن, ماعىنالىق مازمۇنىمەن ەرەكشەلەنگەن.
حابدۋلينا مارال قالىمجانقىزى مۋزەي ۇجىمىنا ەلباسى ن.ءا.نازارباەۆ جانە اكادەميالىق ارحەولوگيانىڭ نەگىزىن قالاۋشى ك.ا. اقىشەۆ باستاماشى بولعان جوبانى ىسكە اسىرۋداعى ناقتى قادامدارى ءۇشىن العىسىن ءبىلدىردى.
قۇدايبەردى راحىمبەك ۇلى مىرزابەك بۇگىنگى كۇنى وسكەلەڭ ۇرپاق ءۇشىن تاربيەلىك ءمانى بار, قوعامدى توپتاستىرۋعا باعىتتالعان ناۋرىز مەيرامىن مازمۇندى وتكىزۋگە مەملەكەت تاراپىنان ۇلكەن كوڭىل بولىنەتىنىن اتاپ ءوتتى.
«بوزوق» مۋزەي-قورىعىنىڭ ديرەكتورى ساۋلە بوكەيحانقىزى بۋرباەۆانىڭ ايتۋىنشا, «بوزوق» جوباسىن ىسكە اسىرۋ حالقىمىزدىڭ باي ەتنوگرافياسىن كورسەتۋ ءۇشىن زور مۇمكىندىكتەرگە يە. جوبا جەتەكشىسى بۇل جوبا عالىمداردى, تاريحشىلاردى, ەتنوگرافتاردى, ونەرتانۋشىلاردى, ديزاينەرلەردى بىرىكتىرەتىنىن اتاپ ءوتتى.
«بوزوق» مۋزەي-قورىعىنىڭ ديرەكتورى
ساۋلە بوكەيحانقىزى
