ەلباسى نۇرسۇلتان نازارباەۆتىڭ تاپسىرماسى بويىنشا قۇرىلعان حالىقارالىق «TURKISTAN» تەلەارناسى تۇركىتىلدەس مەملەكەتتەردىڭ اقپارات كەڭىستىگىندە 3 تىلدە حابار تاراتاتىن ارنا بولماق.
تەلەارنا كۇن سايىن وزەكتى اقپاراتتار مەن قىزىقتى باعدارلامالار, تەلەحيكايالار مەن دەرەكتى فيلمدەر توپتاماسىن نازارلارىڭىزعا ۇسىنادى. اتاپ ايتقاندا, «Salem» تاڭعى اقپاراتتىق-ساۋىقتىق باعدارلاماسى, «Turkistan times» جاڭالىقتار توپتاماسى, «عيبرات», ء«اپسانا», «جان سارايى», «بەتپەردە» سەكىلدى كورەرمەنگە بەرەرى مول باعدارلامالار دا ءوز كورەرمەنىن كۇتەدى.
«Turkistan» تەلەارناسى تۇركىتىلدەس ەلدەر اراسىنداعى اقپارات الماسۋ مەن بىرەگەي ورتاق مەديا كەڭىستىك قالىپتاستىرۋعا التىن كوپىر بولادى دەگەن ءۇمىت بار.
بۇل تۋرالى اقپارات جانە قوعامدىق دامۋ ءمينيسترى ايدا بالاەۆا دا فەيسبۋك پاراقشاسىندا جازدى.
«مۇنىڭ ءبارى قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ 2018 جىلى تۇركىستان قالاسىن وبلىس ورتالىعى رەتىندە بەكىتۋ تۋرالى تاريحي شەشىمىنىڭ ارقاسىندا مۇمكىن بولىپ وتىر.
وسى ساتتەن باستاپ قازاق حالقىنىڭ جانە تۇركى الەمىنىڭ رۋحاني بەسىگى بولىپ تابىلاتىن قالا جاڭا تاريحتىڭ ساناۋىن باستادى.
«Turkistan» تەلەارناسى كورەرمەندەرىن مازمۇندى جانە قىزىقتى تەلەۆيزيالىق جوبالارمەن قۋانتا وتىرىپ, ايماقتىڭ جاڭا شەجىرەسىن زاماناۋي جانە جەدەل اقپاراتپەن جۇرگىزەتىنىنە سەنىمدىمىن», دەلىنگەن جازبادا.
