ەكونوميكا • 20 ناۋرىز، 2021

گريگوري مارچەنكو وزبەكستانمەن ىنتىماقتاستىقتىڭ ارتىقشىلىقتارىن اتادى

117 رەت كورسەتىلدى

ونىڭ پىكىرىنشە، وزبەكستاننىڭ قاتىسۋىمەن ورتالىق ازيادا بىرىڭعاي ەنەرگەتيكالىق جۇيەنى قالپىنا كەلتىرۋگە بولادى، دەپ جازادى  Egemen.kz ەۋرازيالىق دامۋ بانك ءباسپاسوز قىزمەتى تاراتقان دەرەككە سىلتەمە جاساپ 

سونداي-اق گ. مارچەنكو ەۋرازيالىق دامۋ بانكىنىڭ (ەدب) باسشىلىعى وزبەكستان ەدب-عا مۇشە بولعانىن قالايتىنىن ايتتى.

ء«بىز ەادب-دا جاڭا مۇشە ەلدەردى كورگىمىز كەلەدى. بۇل فاكتور قوسىمشا ارتاراپتاندىرۋعا مۇمكىندىك بەرەدى.  وسى جىلدار ىشىندە ءار ءتۇرلى ەلدەر بانككە قوسىلعىسى كەلدى: 2011 جىلى قىتاي، سونىمەن قاتار تۇركيا، سەربيا، مولدوۆا دا مۇشەلىككە ەنۋگە نيەت تانىتتى. بىراق قازىر ءبىز ءۇشىن وزبەكستانمەن جۇمىس ىستەۋ ماڭىزدى. جەلتوقسان ايىندا وزبەكستان پرەزيدەنتى ولاردىڭ جۇمىس ىستەۋگە دايىن ەكەندىكتەرىن، ەاەو-دا باقىلاۋشى مارتەبەسىن العاندىقتارىن مالىمدەدى. مەن تاشكەنتتە قارجى نارىعىن دامىتۋ جونىندەگى كونفەرەنتسياعا باردىم. ەدب باسشىلىعى رەتىندە ءبىز وزبەكستاننىڭ ەدب مۇشەسى بولعانىن قالايمىز. بىراق شەشىمدى، ارينە، ءبىز قابىلدامايمىز»، دەدى گريگوري مارچەنكو.

ول وزبەكستاننىڭ ەدب-عا قوسىلۋى بانك قۇرۋ كەزىندە دە تالقىلانعانىن ەسكە ءتۇسىردى.

«راس، ول قۇرىلعان كەزدە ۋكراينا دا وسى بانكتىڭ مۇشەسى بولادى دەپ بولجانعان. ۋكراينا دامۋدىڭ باسقا جولىن تاڭدادى - بۇل ولاردىڭ قۇقىعى. ال ورتالىق ازياداعى تولىققاندى ەكونوميكالىق ينتەگراتسيا وزبەكستاننىڭ قاتىسۋىنسىز مۇمكىن ەمەس»، دەدى گريگوري مارچەنكو.

جۋرناليستەردىڭ وزبەكستاننىڭ ەدب-گە كىرۋى كۇتىلەتىن ۋاقىت تۋرالى سۇراققا سۇحباتتاسۋشى ناقتى كۇنىن اتاي المايتىنىن جەتكىزدى. ء«سىز قوسىلۋ شارتتارى وزبەكستاننىڭ پوزيتسياسىنا، سونداي-اق راسىمدەرگە بايلانىستى ەكەنىن تۇسىنەسىز. ءبىز ەشبىر جاعدايدا وزبەكستاندى يتەرمەلەمەيمىز، بۇل ولاردىڭ تاۋەلسىز شەشىمدەرى. ەگەر ولار قوسىلىپ جاتسا ءبىز وتە قۋانىشتىمىز»،  دەپ اتاپ ءوتتى گريگوري مارچەنكو.

ول وزبەكستان ينتەگراتسياسىنىڭ ارتىقشىلىقتارىن ءتىزىپ بەردى. «مۇنىڭ بارلىعى ءۇشىن بىرقاتار ارتىقشىلىقتارى بار. بىرىنشىدەن، ءبىز رەسەيدە جانە قازاقستاندا ءساتتى قۇرىلىمداپ، جۇزەگە اسىرعان كوپتەگەن جوبالار بار. وزبەكستاندا ولار قاراپايىم تۇردە قۇرىلىمدالۋى مۇمكىن. ەكىنشىدەن، بانكتىڭ پورتفەلىن ءارتاراپتاندىرۋ زاڭدى بولار ەدى، ويتكەنى التى ەل كوپ ەمەس. سونىمەن قاتار  جاعدايعا بايىپپەن قاراساڭىز، ەدب پورتفوليوسىنىڭ 97% -ى قازاقستان، رەسەي جانە بەلورۋسسيا»، دەدى گريگوري مارچەنكو.

ونىڭ ايتۋىنشا، وزبەكستانمەن ترانسشەكارالىق جوبالار جاسالۋى مۇمكىن.

«مىسالى، كەڭەس زامانىندا ورتالىق ازيادا بىرىڭعاي ەنەرگەتيكالىق جۇيە بولدى. كەزىندە ونى ءبولىپ-جارىپ جىبەرگەن. ناتيجەسىندە بىرنەشە ەلدەردە پروبلەمالار تۋىندادى. ياعني ەگەر تەوريالىق تۇرعىدان وزبەكستان ەاەو-عا قوسىلسا، بۇل ساقينانى قالپىنا كەلتىرۋ تۋرالى ويلانۋعا بولار ەدى. بۇل ايماقتاعى ەلەكتر ەنەرگياسىن 20%-عا دەيىن ۇنەمدەۋگە مۇمكىندىك بەرەدى. ياعني ەسكى ينتەگراتسيانىڭ بارلىق سحەمالارى جامان ەمەس. ءبىز ونى كورىپ وتىرمىز. بۇل ماسەلەنى (ينتەگراتسيا تۋرالى، ءبىرتۇتاس ەنەرگەتيكالىق جۇيە تۋرالى - رەد.) وزبەك بيزنەسىنىڭ وكىلدەرى كوتەردى»،  دەدى گريگوري مارچەنكو.

سونداي-اق ول باسقا ەلدەردىڭ ەدب مۇشەلىگىنە كىرۋى تۋرالى كەلىسسوزدەر جۇرگىزىلىپ جاتقانىن اتاپ ءوتتى.

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار