ماسەلەن, قازاقستاندىق ادۆوكات جانگەلدى سۇلەيمانوۆتىڭ ايتۋىنشا كومپانيا قىزمەتكەرلەرىنىڭ قاراپايىم ادامداردان 50 ەسە كوپ جالاقى الۋى - ۇيات نارسە.
ادۆوكات بىرىڭعاي جيناقتاۋشى زەينەتاقى قورى (بجزق) جانە الەۋمەتتىك مەديتسينالىق ساقتاندىرۋ قورى (امسق) باسشىلارىنىڭ جالاقىسى تۋرالى مالىمەتتەردى جاريالاي وتىرىپ, وسىنداي مالىمدەمە جاسادى.
ول بجزق باسشىلارى 2018 جىلى ايىنا ورتا ەسەپپەن 2,3 ملن تەڭگە العانىن, ال 2019 جىلى ماسق باسشىلارىنىڭ جالاقىسى شامامەن 1,6 ملن تەڭگەنى قۇراعانىن حابارلادى.
«ەلىمىزدە تۇرعىنداردىڭ باسىم كوپشىلىگى 50-60 عانا ايلىق الادى. ال شەنەۋنىكتەرمەن سالىستىرا قاراعاندا, بۇل تىم از كورسەتكىش. قاراپايىم ادامعا بجزق باسشىلارى ءبىر جىل ىشىندە الاتىن 27 ملن تەڭگەنى تابۋ ءۇشىن ءبىر ءومىر جەتپەيدى. 50 مىڭ تەڭگە 27 ميلليون تەڭگەنى تەك 40 جىل جيناپ ءجۇرىپ تابۋعا بولادى», دەدى ادۆوكات ءوزىنىڭ الەۋمەتتىك جەلىدەگى پاراقشاسىندا.
رابيعا مۇرات
