ۇكىمەت باسشىسى قر ەكونوميكاسىن دامىتۋ, ىسكەرلىك احۋالدى جاقسارتۋ, ينۆەستيتسيا تارتۋدىڭ جاڭا تاسىلدەرىن قابىلداۋ جانە سانيتارلىق-ەپيدەميولوگيالىق جاعدايدى تۇراقتاندىرۋ بويىنشا قابىلدانىپ جاتقان شارالار تۋرالى ايتتى. پرەمەر-مينيستر ۇكىمەت قابىلداپ جاتقان داعدارىسقا قارسى شارالاردىڭ ناتيجەسىندە وسى جىلدىڭ باسىنان بەرى Moody's, Fitch جانە Standard&Poor's جەتەكشى رەيتينگتىك اگەنتتىكتەرى پاندەمياعا دەيىنگى رەيتينگتەرىن راستاعانىن جانە 3,2-3,8% شەگىندە قازاقستان ەكونوميكاسىنىڭ دامۋىنا وڭ بولجامدار بەرگەنىن اتاپ ءوتتى.
سونداي-اق ۇكىمەت باسشىسى «مۇرا قورى» امەريكالىق زەرتتەۋ ورتالىعىنىڭ (Heritage Foundation) 2021 جىلعى ەكونوميكالىق ەركىندىك يندەكسى بويىنشا ەلدەر رەيتينگىنىڭ ناۋرىز ايىنداعى جاڭارتىلۋىندا قازاقستان ءوز كورسەتكىشتەرىن 5 پوزيتسياعا جاقسارتىپ, 178-دەن 34-ورىنعا يە بولعانىن اتاپ ءوتتى (2019 جىلى – 59 ورىن, 2020 جىلى – 39 ورىن). وڭ ديناميكا فيسكالدىق تۇراقتىلىق, مەملەكەتتىك شىعىنداردىڭ, سوت جۇيەسىنىڭ تيىمدىلىگى سەكىلدى كورسەتكىشتەر بويىنشا بايقالدى. ينستيتۋتسيونالدىق ورتا ساپاسىن ارتتىرۋ فاكتورلارىنىڭ اراسىندا ينۆەستيتسيالار, ەڭبەك قاتىناستارى جانە قارجى سەكتورىنىڭ ەركىندىگى اتالعان.
ء«بىز قازاقستاننىڭ ينۆەستيتسيالىق احۋالى نەعۇرلىم قولايلى ەلدەردىڭ ءبىرى رەتىندەگى مارتەبەسىن ودان ءارى ارتتىرۋ ءۇشىن وسى سەرپىندى دامىتۋعا نيەتتىمىز», دەدى ا. مامين.
پرەمەر-مينيستر ەۋروپالىق وداق ەلشىلەرىن قازاقستاننىڭ ەو-مەن ساۋدا-ەكونوميكالىق جانە ينۆەستيتسيالىق ىنتىماقتاستىعىن دامىتۋعا جاردەمدەسۋ بويىنشا ودان ءارى اشىق جانە بەلسەندى ديالوگ ورناتۋعا شاقىردى. ءوز كەزەگىندە, وتىرىستا ءسوز سويلەگەن ەو ەلشىسى سۆەن-ولوۆ كارلسسون, يتاليا ەلشىسى پاسكال د'اۆينو, اۆستريا ەلشىسى ۆيللي كەمپەل جانە پورتۋگاليانىڭ قر-داعى ۋاقىتشا سەنىمدى وكىلى ادەلينا ۆيەيرا دا كۋنيا دا سيلۆا قازاقستاننىڭ ينۆەستيتسيالىق احۋالدى جاقسارتۋداعى, بيزنەستى جۇرگىزۋ ءۇشىن قولايلى جاعدايلار جاساۋداعى ەلەۋلى پروگرەسىن, سونداي-اق ەو-نىڭ قر-مەن ەكونوميكالىق ىنتىماقتاستىقتى ودان ءارى ارتتىرۋعا مۇددەلى ەكەنىن اتاپ ءوتتى. تاراپتار پاندەميا سالدارىن ەڭسەرۋ جانە ەكونوميكانى قالپىنا كەلتىرۋ ماسەلەلەرى بويىنشا قازاقستاننىڭ ەۋروپالىق وداقپەن ىنتىماقتاستىعىنىڭ پەرسپەكتيۆالارىن تالقىلادى. ۇلتتىق جانە حالىقارالىق دەڭگەيدە ىسكەرلىك احۋالدى ودان ءارى جەتىلدىرۋ, مەديتسينا سالاسىنداعى ءوزارا ءىس-قيمىلدى كەڭەيتۋ, شەتەلدىك زاڭدى تۇلعالارعا قاتىستى سالىقتىق اكىمشىلەندىرۋدى جاقسارتۋ, سوت جانە سوتتان تىس تەتىكتەر (تورەلىك) ارقىلى شەتەلدىك كومپانيالاردىڭ قاتىسۋىمەن داۋلاردى رەتتەۋ ماسەلەلەرى قارالدى.
ەو قارجى ينستيتۋتتارىمەن ىنتىماقتاستىقتى دامىتۋدا جانە ەۋروپالىق كومپانيالاردىڭ ينۆەستيتسيالارىن تارتۋدا احقو الەۋەتىن ارتتىرۋعا ەرەكشە كوڭىل ءبولىندى. كەزدەسۋگە قر ۇكىمەتىنىڭ مۇشەلەرى, ستراتەگيالىق جوسپارلاۋ جانە رەفورمالار جونىندەگى اگەنتتىكتىڭ, باسەكەلەستىكتى قورعاۋ جانە دامىتۋ اگەنتتىگىنىڭ, «Kazakh Invest» ۇك» اق باسشىلىعى, قر جوعارعى سوتىنىڭ وكىلدەرى, ەۋروپالىق وداقتىڭ, گەرمانيا, رۋمىنيا, پولشا, بەلگيا, يتاليا, سلوۆاكيا, يسپانيا, ليتۆا, حورۆاتيا, گرەكيا, بولگاريا, ۆەنگريا, فرانتسيا, اۆستريا, لاتۆيا, چەحيا ەلشىلەرى, پورتۋگاليا, نيدەرلاندى, فينليانديا, ەستونيا جانە ت. ب. وكىلدەرى قاتىستى. ەو — قازاقستاننىڭ نەگىزگى ينۆەستورلارىنىڭ ءبىرى جانە ءىرى ساۋدا سەرىكتەسى. 2020 جىلى تاۋار اينالىمى $23,6 ملرد قۇرادى.
