2019 جىلى قحر-نا قازاقستاننىڭ اۋىل شارۋاشىلىعى ءونىمىنىڭ ەكسپورتىن ارتتىرۋ ءۇشىن اۋىل شارۋاشىلىعى مينيسترلىگى مەن قىتايدىڭ باس كەدەن باسقارماسى وسىمدىكتەر كارانتينى سالاسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويعان بولاتىن. وسىنىڭ نەگىزىندە 10-عا جۋىق فيتوسانيتاريالىق تالاپتىڭ حاتتاماسىنا قول قويىلدى.
قىتايدىڭ باس كەدەن باسقارماسىمەن جەمىستى ىنتىماقتاستىق جۇمىستاردىڭ ناتيجەسىندە قازاقستاننىڭ 741 كاسىپورنى قىتايعا اگروونەركاسىپ كەشەنى ونىمدەرىن ەكسپورتتاۋشىلار رەەسترىنە ەنگىزىلدى. 2021 جىلدىڭ قاڭتار-اقپان ايلارىندا قر اۋىل شارۋاشىلىعى مينيسترلىگىنىڭ كەپىلدىگىمەن سويا بۇرشاقتارىن, جوڭىشقا, ارپا, جۇگەرى, بيداي ۇنى مەن كەبەك, زىعىر تۇقىمدارىن وندىرەتىن جانە قايتا وڭدەۋمەن اينالىساتىن 195 كاسىپورىن تىزىمگە قوسىلدى.
سونداي-اق قازىرگى ۋاقىتتا اۋىل شارۋاشىلىعى مينيسترلىگى بۇرشاق, ماقسارى, جاسىمىق, كارتوپ, جوم, شروت سياقتى ونىمدەردى ساتۋ ءۇشىن ەكسپورتقا جول اشۋ كەلىسسوزدەرىن جۇرگىزىپ جاتىر.
ايتا كەتۋ كەرەك, قىتايعا بيداي جونەلتۋگە قۇقىعى بار ەلەۆاتورلار مەن استىق قابىلداۋ كاسىپورىندارىنىڭ ءتىزىمى دە جاڭارتىلدى.
تىزىمدە 120-دان استام پۋنكت بار. وعان اقمولا وبلىسىنىڭ 54 كاسىپورنى, قوستاناي وبلىسىنىڭ 30, سقو 34, پاۆلودار وبلىسىنىڭ 3 كاسىپورنى كىرەدى.
