ەستونيا ەۋروپاداعى اقپاراتتىق تەحنولوگيالاردى دامىتۋ بويىنشا كوشباسشى بولىپ تابىلاتىندىعىن ايتقان قالا اكىمى تسيفرلاندىرۋ قازاقستانمەن ىنتىماقتاستىقتاعى ماڭىزدى باعىت ەكەنىن العا تارتتى.ەستونيا ەۋروپاداعى اقپاراتتىق تەحنولوگيالاردى دامىتۋ بويىنشا كوشباسشى بولىپ تابىلاتىندىعىن ايتقان قالا اكىمى تسيفرلاندىرۋ قازاقستانمەن ىنتىماقتاستىقتاعى ماڭىزدى باعىت ەكەنىن العا تارتتى.
مۇرات ايتەنوۆ سىندارلى ديالوگقا ءاردايىم دايىن ەكەندىگىن جەتكىزىپ: «ەستونيانىڭ IT كومپانيالارى قازاقستاندىق نارىققا قىزىعۋشىلىق تانىتاتىندىقتان, ءبىز ەكى جاقتى ىنتىماقتاستىققا قۋانىشتىمىز. بۇگىنگى تاڭدا الەمدە COVID-19 تۋدىرعان قيىندىقتار كەزىندە ەلەكتروندى ءبىلىم بەرۋ, ەلەكتروندى دەنساۋلىق ساقتاۋ جۇيەسىنىڭ شەشىمدەرى وزەكتى جانە ومىرلىك ماڭىزعا يە بولدى. وسى تۇرعىدا تۇرعىنداردىڭ قولايلى ءومىر ءسۇرۋى ءۇشىن شەتەلدىكتەرمەن جەمىستى قارىم-قاتىناس ورناتۋدى جالعاستىرا بەرەمىز. شىمكەنت – ورتا ازياداعى تارتىمدى قالالاردىڭ ءبىرى. مەگاپوليس بولعالى ينۆەستيتسيا كولەمى دە ارتىپ كەلەدى. ءبىزدىڭ بىرلەسكەن جۇمىسىمىزدىڭ ناتيجەسى قازاق جانە ەستون حالقىنىڭ يگىلىگى ءۇشىن جاڭا جوبالار بولادى دەپ ويلايمىن», دەپ ايتىپ ءوتتى.
كەزدەسۋ بارىسىندا ەستونيا رەسپۋبليكاسىنىڭ ەلشىسى ەكى ەل پرەزيدەنتتەرى مەن ەكى ەل حالىقتارى اراسىندا قاشان دا ءوزارا سەنىم مەن دوستىق قاتىناستىڭ قالىپتاسقاندىعىن اتاپ ءوتتى. سونىمەن قاتار, قوناقتار قالاداعى يندۋستريالدى ايماقتارعا, بالىق شارۋاشىلىعىن دامىتۋعا قىزىعۋشىلىق تانىتىپ وتىرعانىن جەتكىزدى.
ايتا كەتسەك, 2018 جىلى ەكى ەل اراسىنداعى تاۋار اينالىمى 36 ملن ەۋرونى قۇرادى. 2019 جىلعى ونىڭ كورسەتكىشى 25,3 ملن ەۋروعا جەتكەن (ەكسپورت – 1,9 ملن.ەۋرو, يمپورت – 23,4 ملن. ەۋرو).
ەلدەر اراسىنداعى ەكونوميكالىق ىنتىماقتاستىقتىڭ باسىم باعىتتارى – كولىك جانە مەحانيكالىق قۇرالدار, حيميالىق ونىمدەر, مينەرالدار, مەتالدار, باعالى ەمەس مەتالداردان جاسالعان بۇيىمدار بولىپ تابىلادى.
