ايتا كەتەيىك, بۇعان دەيىن مەملەكەت باسشىسى قاسىم-جومارت توقاەۆ ناۋرىز مەيرامىن مەرەكەلەۋ تۇجىرىمداماسىن ازىرلەپ, كوكتەمگى مەرەكەنىڭ مازمۇنىن بايىتۋ قاجەتتىگى تۋرالى ايتقان بولاتىن. ناۋرىز - جاڭارۋ, حالىقتى بىرلىككە ۇيىستىرۋ مەرەكەسى, سوندىقتان جۇرت بىرىگىپ, مۇقتاج جاندارعا كومەك قولىن سوزۋى كەرەك.
«يگى ىستەر» جالپىۇلتتىق مارافونى اياسىندا ەلوردالىق ەرىكتىلەر, مەتسەناتتار, كاسىپكەرلەر, بەلسەندىلەر ناۋرىز ايىنان باستاپ جالعىزباستى زەينەتكەرلەرگە, قارت ادامدارعا, كوپبالالى, الەۋمەتتىك از قامتىلعان جانە مۇگەدەك بالالاردى تاربيەلەپ وتىرعان وتباسىلارعا ەكى مىڭنان استام ازىق-ت ۇلىك سەبەتىن تاراتتى. قارلى كۇندەرى اۋلالارىن قار مەن مۇزدان تازارتۋعا كومەكتەستى. ءىس-شارالاردىڭ ءبارى سانيتارلىق نورمالار مەن تالاپتاردى قاتاڭ ساقتاي وتىرىپ وتكىزىلەدى.
بۇل يگى ىستەر ناۋرىز مەيرامىن تويلاۋ كۇندەرى دە جالعاسىن تابادى. مەرەكەگە وراي مىڭعا جۋىق ازىق-ت ۇلىك سەبەتىن تاراتۋ جوسپارلانىپ وتىر.
ء«بىز قالانىڭ بارلىق تۇرعىنىن بەلسەندىلىك تانىتۋعا جانە مۇقتاج ادامدارعا كومەك كورسەتۋگە, ياعني قار كۇرەۋ, ءدارى-دارمەكتەرگە بارۋ, ازىق-ت ۇلىك ساتىپ الۋ سەكىلدى قايىرىمدىلىق شارالارىنا شاقىرامىز. ادام ءوز باسىنداعى قيىندىعىن ەڭسەرۋ ءۇشىن جالعىز ءوزى عانا ەمەس وزگەلەردىڭ دە جاردەم بەرىپ, قوعامنىڭ ءبىر بولشەگى ەكەنىن سەزىنۋى قاجەت. سونداي-اق كوروناۆيرۋستى جۇقتىرۋ قاۋپى ءالى دە بار ەكەنىن ۇمىتپاڭىز. اسىرەسە مەرەكە كۇندەرى ادام كوپ جينالاتىن ورىنداردان اۋلاق بولعان ءجون. بۇل كۇندەردى ۇيدە, وتباسىمەن بىرگە, ياعني شاعىن ورتادا وتكىزگەن دۇرىس. دەمالىس كۇندەرى ۋاقىتتى قىزىقتى وتكىزۋ ءۇشىن قالانىڭ مادەنيەت مەكەمەلەرى تەلەديدار مەن الەۋمەتتىك جەلىلەردە تىكەلەي ەفيردە وتكىزىلەتىن ونلاين ءىس-شارالار كەشەنىن دايىندادى. ولاردىڭ اراسىندا كونتسەرتتەر, كورمەلەر, تەاترلاندىرىلعان قويىلىمدار, تاريحي-تانىمدىق دارىستەر مەن كونفەرەنتسيالار, اكتسيالار مەن كونكۋرستار بار», دەلىنگەن حابارلامادا.
