بۇگىن مينسك قالاسىندا «اقىلدى تۇراقتى قالالار: دامۋدىڭ ۇيىمداستىرۋشىلىق جانە تەحنيكالىق اسپەكتىلەرى» حالىقارالىق ەلەكتر بايلانىسى وداعىنىڭ فورۋمى ءوتىپ جاتىر, وندا قازاقستان, رەسەي, ۋكراينا جانە ءازىربايجان سپيكەرلەرى, بۇۇدب جوبالارىنىڭ ساراپشىلارى, جەتەكشى سالالىق كومپانيالاردىڭ ماماندارى پراكتيكالىق تاجىريبە مەن اقىلدى تۇراقتى قالانى قۇرۋ جولدارىن ۇسىنادى.
ءبىرىنشى سەسسيادا ۇيىمداستىرۋ اسپەكتىلەرى, ەتالوندىق ستاندارتتى قالىپتاستىرۋ كەزەڭدەرى, قازاقستاننىڭ «اقىلدى قالاسىن» قۇرۋ ءادىسناماسى تۋرالى «زەردە» حولدينگىنىڭ باسقارما توراعاسى ارمان ابدراسيلوۆ ءسوز سويلەيدى.
ازاماتتاردىڭ ءومىر ءسۇرۋ ساپاسىن جانە قالالىق قىزمەتتەردىڭ تيىمدىلىك دەڭگەيىن ارتتىرۋ ءۇشىن قازاقستاندا قالالىق ينفراقۇرىلىمعا اقپاراتتىق – كوممۋنيكاتسيالىق تەحنولوگيالاردى ەنگىزۋ ارقىلى Smart City "اقىلدى قالالار" جوباسى ىسكە اسىرىلۋدا.
«اقىلدى» قالالاردى سالۋ ءتاسىلىن ستاندارتتاۋ ءۇشىن "زەردە" حولدينگى ەلدىڭ «اقىلدى» قالالارىنىڭ ەتالوندىق ستاندارتىن ازىرلەدى. قۇجات اكت-نى پايدالانا وتىرىپ, «اقىلدى قالا» سالۋ ءۇشىن جاو-نىڭ نەگىزگى تاسىلدەرىن, اقىلدى قالالار مانماتىنىندە اكت-نى ەنگىزۋمەن جانە پايدالانۋمەن بايلانىستى تيىمدىلىكتىڭ 100 نەگىزگى كورسەتكىشتەرىن, جەرگىلىكتى جانە حالىقارالىق تاجىريبە نەگىزىندە قازاقستاندا اقىلدى قالالار قۇرۋ بويىنشا ۇسىنىلاتىن 110 باستامانى, سونداي-اق «اقىلدى قالا» باستامالارىن باعالاۋ جانە كەمەلدىلىكتى باعالاۋ ءادىسناماسىن ايقىندايدى.
«قاۋىپسىزدىك» باعىتى بويىنشا قوعامدىق جانە جول قاۋىپسىزدىگىن قامتاماسىز ەتۋ اياسىندا Sergek فوتو-بەينەتىركەۋ جوباسى ىسكە اسىرىلدى.
كولىك سالاسىندا ەلەكتروندىق بيلەتتەۋ جانە قوعامدىق كولىكتى ديسپەتچەرلەۋ جوبالارى, "اقىلدى تۇراق" قىزمەتى ىسكە اسىرىلۋدا.
تكش سالاسىندا پيلوتتىق كوپپاتەرلى تۇرعىن ۇيلەردە دەرەكتەردى بىرىڭعاي اقپاراتتىق جۇيەگە قاشىقتىقتان بەرۋ مۇمكىندىگىمەن جىلۋ, سۋ جانە ەلەكتر ەنەرگياسىن ەسەپتەۋىشتەر ورناتىلادى.
