ۆەدومستۆو باسشىلارى وڭىرلەردىڭ قۇقىق قورعاۋ جانە ارنايى ورگاندارىنىڭ باسشىلارىمەن كەزدەسۋلەر وتكىزىپ, وندا قىلمىستىق ىستەر بويىنشا نەگىزگى شەشىمدەردى پروكۋرورلارمەن كەلىسۋدىڭ جاڭا ءتارتىبىنىڭ بارىسىن تالقىلادى. بۇل قازاقستاننىڭ قىلمىستىق پروتسەسىنىڭ ەلباسىنىڭ (2017 جىلعى قۇقىق قورعاۋ ورگاندارىمەن جينالىس) جانە مەملەكەت باسشىسىنىڭ قىلمىستىق سالانى جاڭعىرتۋ جونىندەگى تاپسىرمالارى شەڭبەرىندە ورىندالىپ جاتقان جاڭا ءۇش بۋىندى مودەلگە كوشۋىنىڭ ءبىرىنشى كەزەڭى.
قالالىق جانە اۋداندىق بولىمشەلەردىڭ تەرگەۋشىلەرى مەن پروكۋرورلارىمەن كەزدەسىپ, ولاردىڭ جاڭا پروتسەسسۋالدىق جاعدايلارداعى جۇمىسىمەن تانىستى.
قىزمەتكەرلەر ولاردىڭ ءوزارا ءىس-قيمىلى مەن تاجىريبەسى تۋرالى ايتتى, سونداي-اق كۇندەلىكتى جۇمىس بارىسىندا تۋىندايتىن پروبلەمالىق سۇراقتاردى جانە ولاردى شەشۋ جولدارىن تالقىلادى.
باس پروكۋرور ماتەريالدىق-تەحنيكالىق بازانى نىعايتۋعا, تەرگەۋشىلەر مەن پروكۋرورلاردىڭ كاسىبي دەڭگەيىن ارتتىرۋ قاجەتتىلىگىنە ارىپتەستەرىنىڭ نازارىن اۋداردى.
سونداي-اق قىلمىستىق وربيتاعا تۇسكەن ازاماتتاردىڭ كونستيتۋتسيالىق قۇقىقتارىن قورعالۋ دەڭگەيىنىڭ وڭ ديناميكاسىن اتاپ ءوتتى.
وسى جىلى سوتتىڭ جەكە قاۋلىلارى 8 ەسەگە, سوت قايتارعان ىستەر سانى 44% - عا قىسقاردى.
زاڭسىز شەشىمدەردىڭ سانى ازايدى, سايكەسىنشە پروتسەسكە قاتىسۋشىلاردىڭ شاعىمدارىنىڭ العىشارتتارى تومەندەيدى.
جينالىس قورىتىندىسى بويىنشا بىرقاتار ناقتى تاپسىرما بەرىلدى.
