تاراپتار اراسىنداعى پىكىرتالاس وسى جىلدىڭ باسىندا حانچجوۋدا ورنالاسقان كومپانيانىڭ يەلىگىندەگى مەديا اكتيۆتەردىڭ ءتىزىمىن قاراعاننان كەيىن باستالدى.
ميللياردەر دجەك ما نەگىزىن قالاعان Alibaba كوپتەگەن جىلدار ىشىندە باسپا, تەلەديدار, الەۋمەتتىك جەلىدەگى جانە جارنامالىق اكتيۆتەردى قامتيتىن ايتارلىقتاي مەديا اكتيۆتەر قورىن جينادى.
ازىرگە Alibaba مەديا اكتيۆتەرىنىڭ جالپى قۇنى بەلگىسىز. Wall Street Journal باسىلىمىنىڭ حابارلاۋىنشا, اقش-تىڭ قور نارىعى اشىلعان كەزدە, كوپشىلىككە ساتىلاتىن اكتسيالاردىڭ جالپى نارىقتىق قۇنى 8 ميلليارد دوللاردان اسقان.
بولاشاقتا Alibaba مەديا اكتيۆتەرىن ساتىلىمعا قويا ما, جوق پا قازىرگى ۋاقىتتا ناقتى مالىمەت جوق. الايدا, تەحنولوگيالىق الپاۋىتتىڭ كەز كەلگەن ساتۋ جوسپارى قىتايدىڭ جوعارعى باسشىلىعىنىڭ ماقۇلداۋىن تالاپ ەتەدى. Alibaba گازەتكە باق اكتيۆتەرىن ساتۋ تۋرالى رەتتەۋشىلەرمەن تالقىلاۋ تۋرالى تۇسىنىكتەمە بەرۋدەن باس تارتتى.
WSJ بۇعان دەيىن قىتاي بيلىگى Alibaba-نىڭ ونلاين ەمەس كەيبىر اكتيۆتەرىن ساتۋ مۇمكىندىگىن قاراستىرىپ جاتقانىن حابارلاعان. سونىمەن قاتار وتكەن اپتادا قىتايدىڭ مونوپولياعا قارسى زاڭناماسىن بۇزعانى ءۇشىن Alibaba-عا قىتايداعى رەكوردتىق مولشەردە, ياعني 975 ميلليون دوللاردان استام سومادا ايىپپۇل سالۋعا دايىندالىپ جاتقانى بەلگىلى بولدى.
رابيعا مۇرات
