تالانتتار توپ جارعان فەستيۆال

اقتوبەگە كوكتەممەن ىلەسە كەلە­­تىن “جۇبانوۆ كوكتەمى - 2010” حالىق اسپاپتار وركەسترلەرى مەن انسامبلدەرىنىڭ حالىقارالىق فەستيۆالى ادەتتەگىدەي ع.جۇبا­نوۆا اتىنداعى وبلىستىق فيلار­مونيا­دا ءوتتى. قازاقستاننىڭ كاسىبي مۋزىكا ونەرىنىڭ نەگىزىن سالۋشى, حالىق مۋزىكاسىنىڭ اسقان بىلگىرى, قۇرمانعازى اتىنداعى حالىق اس­پاپتار وركەسترىن قۇرۋ­شى, اكا­دە­ميك احمەت جۇبانوۆقا دەگەن قۇرمەت پەن ىقىلاستىڭ ايعاعىن­داي بولعان بۇل فەستي­ۆالگە قى­زىعۋشىلىق جىل سايىن ارتىپ كەلەدى. بيىل وعان ەلىمىزدىڭ ون وبلى­سىنىڭ جانە رەسەيدىڭ ورىن­بور, ماگنيتوگور, سامارا, وزبەك­ستاننىڭ تاشكەنت قالا­سىنىڭ ونەر ۇجىمدارى قاتىستى. فيلارمونيا ديرەكتورى ەسەنگەلدى دۇيسەنباەۆ­تىڭ ايتۋىنشا, فەس­تيۆال­دىڭ قۇرىل­تايشىلارى ءما­دە­­نيەت مي­نيسترلىگى مەن وبلىستىق مادەنيەت باسقارماسى ەكەن. ەكى كۇنگە سوزىل­عان ونەر دوداسىنا حالىق ءارتىسى, كومپوزيتور, ديري­جەر, پروفەسسور الدابەرگەن مىر­زا­بەكوۆ باستاعان قازىلار القاسى ون ءۇش وركەستر مەن ءانسامبلدىڭ ورىنداۋشىلىق شەبەرلىگىن, رەپەر­تۋار تاڭداۋداعى تالعامپاز­دىعىن ساراپقا سالدى. بۇل قۇرام­دا رەسەي­دىڭ ەڭبەك سىڭىرگەن ءارتىسى, پرو­فەسسور بوريس ۆورون­نىڭ, قىر­عىزستاننىڭ ەڭبەك سىڭىرگەن ونەر قايرات­كەرى رىسبەك جۇما­قۇنوۆتىڭ بولۋى­نىڭ ءوزى-اق ونەر ۇجىم­دارىنا قويىلار تالاپ­تىڭ قانشا­لىقتى جوعارى بولعا­نىن اڭعارتسا كەرەك. ونەر سايىسىنىڭ قورىتىن­دىسىندا الماتى قالاسىنىڭ “سا­رىن” فولكلورلىق جانە سامارا مەملەكەتتىك فيلارمونيا­سىنىڭ ورىس حالىق اسپاپتار ان­سامبلدەرى گران-پري جۇلدەسىن جەڭىپ الدى. جۇلدەلى ورىنداردى تالدىقورعان قالاسىنىڭ ءسۇيىنباي اتىنداعى وبلىستىق فيلار­مونياسىنىڭ,  مۇقان تولەباەۆ اتىنداعى قازاق حالىق اسپاپتار جانە تاشكەنتتىڭ “سوگديانا” وزبەك ۇلت اسپاپتار   وركەسترى ع.جۇبانوۆا اتىنداعى وب­لىستىق فيلارمونيانىڭ “ارايلى اقتوبە” جانە ن. ءجانتورين اتىن­داعى اتىراۋ وبلىستىق فيلار­مونياسىنىڭ “مۇراگەر” ان­سامبل­دەرى ءبولىستى. جەكە ورىن­داۋشىلار اراسىندا تالدى­قورعاندىق ع. ىرزا (باريتون), تاشكەنتتىكتەر م.بولتابوەۆا (سوپرانو), ن.يبراگيموۆ (رۋباب-پريما), اقتوبەلىكتەر گ.ساعىن­عانوۆا (حالىق ءانى), ا.كەنە­گەسوۆ (دومبىرا), ماڭعىستاۋلىق گ.بەر­ماعانبەتوۆ (باريتون), ورىن­بورلىق گ.اۆدەەۆ (بالالايكا), قىزىل­وردالىق س.بايسەيىتوۆ (سوپرانو) “فەستيۆالدىڭ ۇزدىك ورىنداۋ­شىسى” اتاعىنا يە بولدى. ساتىبالدى ءساۋىرباي. اقتوبە وبلىسى.