وسى ورايدا دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى مەن باسەكەلەستىكتى قورعاۋ جانە دامىتۋ اگەنتتىگىنىڭ بىرلەسكەن جۇمىسىنىڭ قورىتىندىسى بويىنشا كوروناۆيرۋس ينفەكتسياسىنا قارسى پرەپاراتتارعا شەكتى باعا قويۋدىڭ ەرەكشە ءتارتىبى كوزدەلىپ وتىر. ياعني, كوتەرمە جانە بولشەك ساۋدادا ماركەتينگتىك شىعىستارسىز, ۇستەمە باعالاردىڭ رەگرەسسيۆتى شكالاسىنا سايكەس دارىلەردىڭ ءتىزىمى دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنا جىبەرىلەدى.
دارىلىك زاتتاردى ساراپتاۋ ورتالىعى باس ديرەكتورىنىڭ ورىنباسارى ەرجان ءجۇنىسوۆتىڭ ايتۋىنشا, بۇل تىزىمدەگى دارىلىك پرەپاراتتارعا سۇرانىس كوپ بولعاندىقتان, كوتەرمە جانە بولشەك ساۋدادا 30 پايىز مولشەرىندەگى ماركەتينگتىك شىعىستار الىپ تاستالعان. سونداي-اق, كوتەرمە جانە بولشەك ۇستەمە باعا ەكى ەسە تومەندەگەن. ەگەر دە بۇرىن كوتەرمە ۇستەمە باعا 20 پايىزعا جەتكەن بولسا, وندا انتيكوۆيدتى پرەپاراتتار ءۇشىن تيىسىنشە 10, ەگەر بولشەك ۇستەمە باعا 55 پايىزعا دەيىن جەتكەن بولسا, انتيكوۆيدتى پرەپاراتتار ءۇشىن 27 پايىزعا تومەندەگەن. مىسالى, كارديوماگنيل 75 مگ №30, 75 مگ №100, 150 مگ №30 پرەپاراتى ءۇشىن بولشەك ۇستەمە باعا 22,5 پايىزدى, ال كارديوماگنيل 75 مگ №100 پرەپاراتى 17,5 پايىزدى قۇرايدى. وسىلايشا, بارلىق انتيكوۆيدتى پرەپاراتتارعا ارنايى ءتارتىپ قولدانىلاتىن بولادى.
قازاقستان اۋماعىندا دارىلىك زاتتاردىڭ باعالارىن رەتتەۋ جونىندەگى وكىلەتتىكتەر دەنساۋلىق ساقتاۋ مينيسترلىگىنە جۇكتەلگەن. ال دارىلىك زاتتاردى بەلگىلەنگەن شەكتى باعادان قىمبات ساتۋ ارەكەتى اكىمشىلىك قۇقىق بۇزۋشىلىق تۋرالى كودەكسىنىڭ 426-بابى بويىنشا اكىمشىلىك جاۋاپكەرشىلىككە تارتىلادى.
ەندىگى كەزەكتە قازاقستاندىقتار Dari.kz موبيلدىك قوسىمشاسىنىڭ كومەگىمەن دارىحانالارداعى قانداي دا ءبىر پرەپاراتتىڭ باعاسىن ءوز بەتىنشە باقىلاي الادى. ەگەر دە پرەپاراتتاردىڭ باعاسى جوعار بولسا, وندا ارنايى باعاندى تولتىرۋ ارقىلى شاعىم قالدىرا الادى.
وسى ورايدا دارىلىك زاتتاردىڭ ەمدىك قاسيەتتەرى وريگينال پرەپاراتپەن بىردەي بولىپ كەلەتىن انالوگتارى بار ەكەندىگىن, مىسالى, كارديوماگنيل پرەپاراتىنىڭ (بەلسەندى زاتى اتسەتيلساليتسيل قىشقىلى) 23 انالوگى, يبۋپروفەننىڭ (بەلسەندى زاتى بار يبۋپروفەن) 56 انالوگى, سۋمامەدتىڭ (بەلسەندى زاتى ازيتروميتسين) 50 انالوگى, كسارەلتونىڭ (بەلسەندى زاتى ريۆاروكسابان) 4 انالوگى, كلەكساننىڭ (بەلسەندى زاتى ناتري ەنوكساپارين) 2 انالوگى بار ەكەنىن ەسكەرگەن ءجون.
