سەبەبى, بۇل ءىس ءسال ءمۇلت كەتۋدى كەشىرمەۋى مۇمكىن. شىمكەنت قالاسى توتەنشە جاعدايلار دەپارتامەنتىنىڭ №1 مامانداندىرىلعان جاساعىندا قىزمەت اتقاراتىن رومان پيسمەنسكي ءورت سوندىرۋدە باتىلدىعىمەن كوزگە ءتۇسىپ, ءارى وتپەن كۇرەسۋ امالدارىن جەتىك مەڭگەرگەن جاس مامان.
كەيىپكەرىمىز - ادامداردىڭ ءومىرى مەن ءتىلسىز جاۋدان اراشا ەتۋدى بالا كەزىنەن ارمانداعان. ارمانى العا جەتەلەپ, كوكشەتاۋ تەحنيكالىق ينستيتۋتىنا وقۋعا تۇسەدى.
روماننىڭ مەملەكەتتىك ءتىلدى مەڭگەرۋگە دەگەن ىنتاسى جوعارى بولدى. مەملەكەتتىك ءتىلدى دامىتۋعا باعىتتالعان بارلىق ءىس-شاراعا بەلسەندىلىگى مەن ءوز ماماندىعىنا دەگەن زور ىقالاسىنىڭ ارقاسىندا اتالعان وقۋ ورنىن ۇزدىك ءتامامداپ, ەلباسى قولىنان العاشقى شەنىن الدى.
حالىقتىڭ يگىلىگى ءۇشىن قىزمەت ەتۋدى ماقسات تۇتقان رومان العاشقى قىزمەت جولىن 2014 جىلى تۇركىستان وبلىسى سوزاق اۋدانىنداعى №11 ءورت ءسوندىرۋ بولىمىنەن باستاعان. قىزمەتكە العاش قادام باسقاننان-اق ول ءوزىنىڭ وجەتتىلىگىن تانىتىپ, جاقسى جاعىنان كورىندى.
2015 جىلى شىمكەنت قالاسىنداعى توتەنشە جاعدايلار دەپارتامەنتىنىڭ باس مامان, 2017-2019 جىلدارى №1 مامانداندىرىلعان جاساق باستىعىنىڭ كومەكشىسى, قازىرگى تاڭدا №3 ءورت ءسوندىرۋ ءبولىم باستىعىنىڭ ورىنباسارى بولىپ قىزمەت اتقاردى.
جاس مامان بۇگىندە «ەكشن كامەراسى» ارقىلى وزگە ارىپتەستەرىنىڭ ءورتتى ءسوندىرۋ بارىسىندا وقيعا ورنىنان ادام ءومىرىن قۇتقارۋ جولىنداعى جانقيارلىعىن كورسەتەتىن بەينەماتەريال ءتۇسىرۋدى ەلىمىزدە العاش بولىپ قولعا الدى. مۇنداي يگى باستاما ءورت سوندىرۋشىلەر مەن قۇتقارۋشىلاردىڭ ءيميدجىن ارتتىرۋعا ۇلكەن ۇلەس قوساتىنى انىق.
سونىمەن قاتار, رومان قيىندا, قاۋىپتى ماماندىعىنا قاراماستان وبلىس جانە قالا كولەمىندە وتكىزىلگەن «مەملەكەتتىك ءتىل مەنىڭ ءتىلىم», «پوليگلوت», ء«تىل شەبەرى» سايىستارىنا قاتىسىپ, جۇلدەلى ورىندارعا يە بولدى. ال 2020 جىلى رەسپۋبليكالىق «مەملەكەتتىك ءتىل-تاۋەلسىزدىك سيمۆولى» بايقاۋىنا قاتىسىپ, ءبىرىنشى ورىندى يەلەندى.
