ەكى كۇنگە سوزىلعان باسەكە 2008-2009 جىلعى بالالار مەن 2006-2007 جىلعى جاسوسپىرىمدەر اراسىندا ءوتتى.
جالپىكوماندالىق ەسەپتە نۇر-سۇلتان قالاسىنىڭ قۇراماسى 15 التىن, 11 كۇمىس جانە 16 قولا جۇلدەمەن ەل كۋبوگىن جەڭىپ الدى.
ەكىنشى ورىندا – الماتى وبلىسىنىڭ سپورتشىلارى. جەتىسۋلىقتاردىڭ قورجىنىندا 10 التىن, 6 كۇمىس, 14 قولا جۇلدە.
ال ماڭعىستاۋ وبلىسى 7 التىن, 7 كۇمىس, 9 قولا جۇلدەمەن ۇزدىك ۇشتىكتى قورىتىندىلادى.
قازاقستان گرەپپلينگ قاۋىمداستىعىنىڭ پرەزيدەنتى قانات ءاليننىڭ ايتۋىنشا بۇل جارىس – قازاقستان گرەپپلينگ قاۋىمداستىعىنىڭ بيىلعى العاشقى دوداسى.
«بۇل جارىس الدىن الا ىرىكتەۋ ءتۋرنيرى. وسى جىلدىڭ ءساۋىر ايىنىڭ سوڭىندا قاراعاندى قالاسىندا قازاقستان چەمپيوناتى وتەدى, ول دا الەم چەمپيوناتىنا ىرىكتەۋ جارىستارىنىڭ اياسىندا ۇيىمداستىرىلادى. جالپى بۇگىنگى جارىستا سپورتشىلاردىڭ دايىندىق دەڭگەيى وتە جاقسى», دەدى قانات الين ءوز سوزىندە.
