مەملەكەتتىك مەكەمەلەر ۇسىناتىن قىزمەتتىڭ ساپاسىمەن تانىسۋ ماقساتىندا «open space» فورماتىندا سالىنعان «بيزنەسكە ارنالعان ۇكىمەت» مەملەكەتتىك كورپوراتسياسى» كەاق قىزىلوردا وبلىسى بويىنشا فيليالىنا باردى.
قازىرگى تاڭدا, مەكەمە قىزمەتكەرلەرى كاسىپكەرلەر مەن ينۆەستورلارعا 18 باعىتتا 90 قىزمەت ءتۇرى بويىنشا تەگىن قىزمەت كورسەتەدى (كورسەتىلەتىن 90 قىزمەت ءتۇرىنىڭ 46-سى مەملەكەتتىك قىزمەت, 21-ءى ەلەكتروندىق مەملەكەتتىك قىزمەت).
كاسىپكەرلەردى قولداۋعا ارنالعان «بيزنەسكە ارنالعان ۇكىمەت» بىرىڭعاي سەرۆيس ورتالىعى ء«بىر تەرەزە» قاعيداسىنا نەگىزىندەلگەن. 2020 جىلدىڭ قورىتىندىسى بويىنشا وبلىس كاسىپكەرلەرىنە 13 488 قىزمەت كورسەتىلگەن.
بۇدان بولەك, بۇل عيماراتتا وبلىستىق كاسىپكەرلىك جانە تۋريزم باسقارماسى, «اتامەكەن» ۇلتتىق كاسىپكەرلىك پالاتاسىنىڭ قىزىلوردا وبلىسى بويىنشا فيليالى, «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق, «ايماقتىق ينۆەستيتسيالىق ورتالىق «مقۇ» جشس, «حالىق بانكى» اق, «ۆتب» اق-نىڭ فيليالدارى مەن بولىمشەلەرى, AMANAT HOME كووپەراتيۆى ورنالاسقان.
شارا بارىسىندا و.بەكتەنوۆ: «قازىرگى تاڭدا كاسىپكەرلەردىڭ قۇقىقتارى مەن زاڭدى مۇددەلەرىن قورعاۋ – ەلدىڭ كۇن تارتىبىندەگى باسىم باعىتتارىنىڭ ءبىرى. مەملەكەت باسشىسى ءوزىنىڭ جىل سايىنعى جولداۋىندا اتاپ وتكەندەي, پاندەميا كەزەڭىندە شاعىن جانە ورتا بيزنەس قيىن جاعدايعا تاپ بولعاندىقتان, قولداۋعا اسا مۇقتاج. وسى رەتتە, بيزنەسكە زاڭسىز ارالاسۋ, ونىڭ قىزمەتىنە كەدەرگى كەلتىرۋ «مەملەكەتكە قارسى ەڭ اۋىر قىلمىس» رەتىندە قابىلدانۋى ءتيىس», دەپ اتاپ ءوتتى.
وسى رەتتە كاسىپكەرلەر مەن ينۆەستورلاردى سىبايلاس جەمقورلىققا قارسى سۇيەمەلدەيتىن «Protecting business and investments» جوباسىن اتاپ وتكەن ءجون.
قازىرگى تاڭدا اگەنتتىك جالپى سوماسى 16,3 ترلن. تەڭگەنىڭ 656 بيزنەس-جوباسىن سىبايلاس جەمقورلىققا قارسى سۇيەمەلدەيدى, سونىڭ ىشىندە قىزىلوردا وبلىسىندا 554 ملرد تەڭگەدەن استام سوماعا 22 بيزنەس جوبا قورعاۋعا الىنعان.
شارا سوڭىندا اگەنتتىك توراعاسىنىڭ ءبىرىنشى ورىنباسارى اتالعان جوبا اياسىندا سۇيەمەلدەۋگە الىنعان كاسىپكەرلەرمەن كەزدەسىپ, وبلىستاعى كاسىپكەرلىكتىڭ جاي-كۇيى جايلى ماسەلەلەردى تالقىلادى.
