اقپارات قولجەتىمدىگى ارتاتىن بولادى

ءماجىلىس توراعاسى ورال مۇحامەدجانوۆتىڭ جەتەكشىلىگىمەن وتكەن پالاتانىڭ سارسەنبى كۇنگى پلەنارلىق وتىرىسىندا دەپۋتاتتار توراعا ورىنباسارىن سايلادى. وعان  ەكونوميكالىق رەفورما جانە وڭىرلىك دامۋ كوميتەتىنىڭ توراعاسى  ۆلاديمير بوبروۆ لايىق دەپ تابىلدى. بۇرىنعى توراعا ورىنباسارى سەرگەي دياچەنكونىڭ اقمولا وبلىسىنا اكىم بولىپ كەتۋىنەن كەيىن بۇل ورىن بوس تۇرعان-دى. وتىرىس بارىسىندا “مادەنيەت تۋرالى” قازاقستان رەسپۋبليكاسى زاڭىنا وزگەرىستەر مەن تولىق­تى­رۋ­لار ەنگىزۋ تۋرالى” جانە “سىرتقى بارلاۋ تۋرالى” زاڭ جوبالارى بوي­ىن­شا ەكى پالاتا  اراسىنداعى كەلىس­پەۋ­شىلىكتەردى ەڭسەرۋ جونىندەگى كە­لىسىم كوميسسياسىنىڭ ۇسىنىستارى قارالدى. ول بويىنشا دەپۋتاتتار دينار نوكەتاەۆا مەن ءسات توق­پاق­باەۆ­تىڭ باياندامالارى تىڭدالدى. سونداي-اق, دەپۋتاتتار نازارىنا “قا­زاقستان رەسپۋبليكاسىنىڭ كەي­بىر زاڭنامالىق اكتىلەرىنە قازاق­ستان رەسپۋبليكاسىنىڭ “ەلەك­ترون­دى ۇكىمەتىن” دامىتۋ ماسەلەلەرى بويىنشا وزگەرىستەر مەن تولىق­تى­رۋلار ەنگىزۋ تۋرالى” زاڭ جوباسى ءبىرىنشى وقىلىمدا ۇسىنىلدى. زاڭ جوباسىن بايلانىس جانە اقپارات ءمينيسترى اسقار جۇماعاليەۆ تا­نىستىردى. ۇكىمەت قاۋلىسىمەن “قازاقستان رەسپۋبليكاسىنىڭ “ەلەكتروندى ۇكىمەتىن” دامىتۋدىڭ 2008-2010 جىل­دارعا ارنالعان باعدارلاماسى قابىلدانعانى بەلگىلى.  زاڭ جوباسى قوعامنىڭ اقپاراتتىق كاجەتتىلىگىن قامتاماسىز ەتۋ, ەلەكتروندى مەم­لە­كەتتىك قىزمەتتەردى تۇتىنۋشى­لار­دىڭ قۇقىقتارىن ىسكە اسىرۋ ءۇشىن جاعداي جاساۋ, ولاردىڭ قولجەتىم­دى­لى­گى مەن ساپاسىن ارتتىرۋ, مەم­لە­كەت­تىك ورگانداردىڭ قۇزىرەتىن بەل­گىلەۋ, سونداي-اق “ەلەكتروندى ۇكى­مەتتىڭ” جۇمىس ىستەۋى جاعدايىندا ولاردىڭ قىزمەتىن ۇيلەستىرۋ ءبو­لى­گىندە اقپاراتتاندىرۋ سالاسىنداعى قاتىناستاردى رەتتەۋ ماقساتىندا ازىرلەنگەن. زاڭ جوباسى ءبىرىنشى وقىلىمدا ماقۇلداندى. كەلەسى كەزەكتە “تاڭبالاردى حا­لىق­ارالىق تىركەۋ تۋرالى مادريد كە­لىسىمىنە حاتتامانى راتيفي­كا­تسيا­لاۋ تۋرالى” زاڭ جوباسى  قارالدى. ما­دريد كەلىسىمى تاۋار تاڭباسىن قور­عاۋدى الۋ كەزىندە ونىڭ يەسىنە بىرقاتار ارتىقشىلىقتار بەرەدى. تاۋار تاڭباسىن شەتەلدە تىركەۋگە ءوتى­نىمدى بەرۋ ءراسىمى ايتارلىقتاي وڭاي­لاتىلادى. سونىمەن قاتار, تاڭبا­لار­دى حالىقارالىق تىركەۋ جۇيە­سىن ودان ءارى جەتىلدىرۋ ماقسا­تىن­دا 1989 جىل­عى 27 ماۋسىمدا تاڭبالاردى حالىق­ارالىق تىركەۋ تۋرالى مادريد كەلى­سىمىنە 26 باپ­تان تۇراتىن حاتتاما قابىلداندى. اتالعان حاتتاما ماد­ريد كەلىسىمى ەل­دەرىنە تاۋار تاڭبا­لارىن حالىق­ارا­لىق تىركەۋدى قامتاماسىز ەتۋ ماقساتىندا وزدەرىنە ءتيىمدى شارت­تاردى تاڭداۋعا مۇمكىندىك بەرەتىن ەرەجەلەردى ەنگىزۋ ارقىلى ەلدەردىڭ شەكتەۋسىز اياسى جۇيەسىنە قوسىلۋ ءۇشىن بار قۇقىقتىق كەدەرگىلەردى جويۋ مىندەتىن شەشەدى. قازىرگى ۋاقىتتا مادريد جۇيە­سىنە 84 مەملەكەت قاتىسۋشى بولىپ تابىلادى. ونىڭ ىشىندە 28 ەل ما­دريد حاتتاماسىنا, 6 مەملەكەت مادريد كەلىسىمىنە جانە الەمنىڭ 50 مەملەكەتى مادريد كەلىسىمىنە دە, مادريد حاتتاماسىنا دا قوسىلعان. وسى جۇيە كوپتەگەن كاسىپورىندار, ءاسى­رەسە, شاعىن جانە ورتا كاسىپ­ورىن­دار ءۇشىن وزدەرىنىڭ تاۋار تاڭ­بالارىن كوپتەگەن ەلدەردە قورعاۋ­لارىنا مۇمكىندىك بەرەتىن بولادى. وزگە جاعدايدا ولار ەشقاشان وزدە­رىنىڭ تاۋار تاڭبالارىن حالىقارا­لىق قورعاۋدى قامتاماسىز ەتە الماس ەدى. جالپى وتىرىستا “تۇرعىن ءۇي قاتىناستارى تۋرالى” قازاقستان رەس­پۋبليكاسىنىڭ زاڭىنا ءوز­گەرىستەر مەن تولىقتىرۋلار ەنگىزۋ تۋ­رالى” زاڭ جوباسى تالقىعا سا­لىن­دى. پارلامەنتشىلەر باستاما­شى بولعان زاڭ جوباسىنىڭ ماڭىزى تۋرالى ءماجىلىس دەپۋتاتتارى ۆلا­ديمير بوبروۆ پەن امانعوس وتە­گەنوۆ تۇسىنىك بەردى. باستاماشى­لار­دىڭ مالىمدەۋىنشە, اتالعان زاڭ جو­با­سى ۇلى وتان سوعىسىنىڭ مۇگە­دەك­تەرى مەن قاتىسۋشىلارىنا مەم­لە­كەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالدا­ما­لى تۇرعىن ءۇي الۋ قۇقىعىن ءبىرىن­شى كەزەكتە بەرگەن كەزدە ولاردىڭ تابىسىنان شەكتەۋلەردى الىپ تاستاۋ ارقىلى اتالعان ساناتتاعى ادام­دار­عا مەملەكەتتىك قولداۋ كورسەتۋدى كۇشەيتۋ ماقساتىندا ازىرلەنگەن. بۇل زاڭ جوباسى دا ماقۇلداندى. اسقار تۇراپباي ۇلى.