تاعايىنداۋ • 12 ناۋرىز، 2021

ولجاس بەكتەنوۆ انتيكوردىڭ قىزىلوردا وبلىستىق دەپارتامەنتىنىڭ جاڭا باسشىسىن تانىستىردى

55 رەت كورسەتىلدى

بۇگىن سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ولجاس بەكتەنوۆ قىزىلوردا وبلىسى اكىمى گۇلشارا ابدىقالىقوۆامەن كەزدەستى، دەپ حابارلايدى Egemen.kz

جيىندا ولجاس بەكتەنوۆ اگەنتتىكتىڭ قىزىلوردا وبلىسى بويىنشا دەپارتامەنتىنىڭ جاڭا باسشىسىن تانىستىردى. قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2021 جىلدىڭ 9 ناۋرىزىنداعى بۇيرىعىنا سايكەس، سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى باسشىسى لاۋازىمىنا گەنەرال-مايور قانات قوجاحمەتوۆ تاعايىندالدى.

ءوڭىر باسشىسى گۇلشارا ابدىقالىقوۆا جاڭادان تاعايىندالعان قانات قوجاحمەتوۆتى قىزمەتىمەن قۇتتىقتاي وتىرىپ، الداعى ۋاقىتتا مەملەكەت باسشىسىمەن قويىلعان مىندەتتەردى بىرلەسىپ اتقارۋدا جۇمىسىنا ساتتىلىك تىلەپ، سەنىم ءبىلدىردى.

قانات قوجاحمەتوۆ 1965 جىلى الماتى قالاسىندا تۋىلعان. ىشكى ىستەر مينيسترلىگىنىڭ قاراعاندى جوعارعى مەكتەبىن جانە رەسەي فەدەراتسياسى پرەزيدەنتى جانىنداعى مەملەكەتتىك اكادەمياسىن بىتىرگەن.

ەڭبەك جولىن ىشكى ىستەر ورگاندارىندا 1987 جىلدان باستاعان.

1987-2009 جىلدار ارالىعىندا شىعىس قازاقستان، قاراعاندى، الماتى وبلىستارىندا جانە الماتى قالاسىنىڭ ىشكى ىستەر ورگاندارىندا، 2009-2018 جىلدارى ىشكى ىستەر مينيسترلىگىندە ءتۇرلى لاۋازىمدىق قىزمەتتەر اتقارعان.

2018 جىلدىڭ قىركۇيەك ايىنان باستاپ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنە اۋىسقان.

2020 جىلدىڭ اقپان ايىنان باستاپ وسى كەزگە دەيىن سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى باسشىسىنىڭ ورىنباسارى قىزمەتىن اتقارىپ كەلدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار