وبلىستىق سىبايلاس جەمقورلىققا قارسى ءىس-قيمىل قىزمەتى مەن مادەنيەت باسقارماسى اراسىنداعى مەموراندۋمعا سايكەس جۇمىسىن باستاعان «پاراسات جولى» ورتالىقتارىندا سىبايلاس جەمقورلىققا قارسى تۇرۋ قاعيدالارىن قالىپتاستىرۋ ماسەلەلەرى تۇرعىندارمەن ء جيى-ءجيى تالقىلانا باستادى. سونىڭ ىشىندە جان-جاقتان كەلەتىن قوعام قايراتكەرلەرى, شىعارماشىلىق وكىلدەرى مەن عالىمدار, مادەنيەت قىزمەتكەرلەرى كىتاپحانالاردا ءار ءتۇرلى توپ وكىلدەرىمەن ءجيى-ءجيى كەزدەسىپ, اقپاراتتىق-اعارتۋ جۇمىستارىن جۇيەلى تۇردە جۇرگىزىپ كەلەدى. مۇنداي كەزدەسۋلەردە ازاماتتاردىڭ جاس كەزدەن باستاپ سىبايلاس جەمقورلىققا توزبەۋشىلىك ۇستانىمدارىن قالىپتاستىرۋ مەن ادامي- تۇلعالىق مادەنيەتتەرىن جەتىلدىرۋ ماسەلەلەرى جان-جاقتى تالقىلانادى.
ءوڭىر باسشىسى وڭداسىن ورازالين قوعامدا ازاماتتاردىڭ پاراساتتىلىق, ادالدىق قاعيدالارىن ىلگەرىلەتەتىن «پاراسات جولى» جوباسىنىڭ رۋحاني ورتالىقتار–كىتاپحانالاردا قولعا الىنۋىنىڭ ارتىقشىلىقتارىنا ەرەكشە توقتالدى. وسى جوبا شەڭبەرىندە قالا, اۋدان جانە اۋىل كىتاپحانالارى سىبايلاس جەمقورلىققا توزبەۋشىلىك قاعيداتتارىن جۇيەلى تۇردە قالىپتاستىراتىن ورتالىقتارعا اينالماقشى.
