«مۇگەدەكتەردى وڭالتۋدىڭ كەيبىر ماسەلەلەرى تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 قاڭتارداعى № 26 بۇيرىعىنا ءتيىستى وزگەرىستەر ەنگىزىلدى. جاڭا رەداكتسياداعى بۇيرىق مەملەكەتتىك بيۋدجەت ەسەبىنەن اقپ ارقىلى وڭالتۋ قۇرالدارى مەن قىزمەتتەرىن الۋدى رەتتەيدى.
سونداي-اق قۇجاتتا جەكە كومەكشىنىڭ سۇيەمەلدەۋ پاراعىن جانە ىمداۋ ءتىلى مامانىنىڭ قىزمەت كورسەتۋ پاراعىن ەلەكتروندىق-تسيفرلىق قولتاڭبا ارقىلى الەۋمەتتىك قىزمەتتەر پورتالىندا كەلىسۋ مۇمكىندىگى رەگلامەنتتەلگەن.
تەحنيكالىق كومەكشى (ورنىن تولتىرۋشى) قۇرالداردى جەكە تاڭداۋ قاجەتتىلىگىن ەسكەرە وتىرىپ, بۇيرىقتا ولاردىڭ تۇرلەرى, مەديتسينالىق كورسەتكىشتەرى جانە ولارعا قارسى كورسەتىلىمدەر جازىلعان.
مىسالى, ەگەر بۇرىن وڭالتۋدىڭ جەكە باعدارلاماسىندا (بۇدان ءارى – وجب) تەك بولمە نەمەسە سەرۋەن كرەسلو-ارباسىن ۇسىنسا, ەندى ولاردىڭ سانى 5-كە دەيىن ارتتى (بەلسەندى, كوپ فۋنكتسيالى, ەلەكتر جەتەگى بار, قول, يىنتىرەكتى جەتەگى بار).
بۇدان باسقا «مەديتسينالىق-الەۋمەتتىك ساراپتاما جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاڭتارداعى № 44 بۇيرىعىنا وزگەرىستەر ەنگىزىلدى.
تۇزەتۋلەردىڭ نەگىزگى ماقساتى – ەسكىرگەن قۇقىق نورمالارىن جويۋ ءۇشىن قۇجاتتى قولدانىستاعى نورماتيۆتىك قۇقىقتىق اكتىلەرگە سايكەس كەلتىرۋ. اتاپ ايتقاندا, ء«ماس قورىتىندىسى» جانە «پاتسيەنتتىڭ/مۇگەدەكتىڭ وجب-سىنىڭ مەديتسينالىق بولىگى» نىساندارىنىڭ نومىرلەرى وزگەرتىلدى.
بۇدان باسقا, كورسەتىلەتىن قىزمەتتى الۋشىنىڭ مەديتسينالىق-الەۋمەتتىك ساراپتاما جۇرگىزۋ ناتيجەلەرى بويىنشا قۇجاتتاردى (مۇگەدەكتىگى تۋرالى انىقتاما, وجب-دان ءۇزىندى كوشىرمە, جالپى/كاسىپتىك ەڭبەككە قابىلەتتىلىگىنەن ايىرىلۋ دارەجەسى تۋرالى انىقتاما جانە ت.ب.) ەلەكتروندىق فورماتتا ەتسق نەمەسە ءبىر رەتتىك ءپارولدى پايدالانا وتىرىپ, eGov.kz ەلەكتروندىق ۇكىمەت پورتالىنداعى «جەكە كابينەت» ارقىلى الۋ مۇمكىندىگى بولىگىندە نورما ەنگىزىلدى.
