قر يندۋستريا جانە ينفراقۇرىلىمدىق دامۋ, قر ەكولوگيا, گەولوگيا جانە تابيعي رەسۋرستار, قر سىرتقى ىستەر مينيسترلىكتەرىنىڭ, "Aurora Minerals Group" مك, "Rio Tinto", AIX, "قازمىرىش" اق وكىلدەرى شارانى ونلاين فورماتتا وتكىزەدى.
جىل سايىنعى PDAC كونفەرەنتسياسى - اعىمداعى ماسەلەلەر, پەرسپەكتيۆالىق نارىقتار, سالالىق ۇردىستەر جانە جاڭا تەحنولوگيالار تالقىلاناتىن الەمدىك تاۋ-كەن ءوندىرۋ سالاسى ءۇشىن جەتەكشى ءىس-شارا. كورمە الەمنىڭ ءار بۇرىشىنان ينۆەستورلاردى, ساراپشىلاردى, تاۋ-كەن سالاسىنىڭ جەتەكشىلەرىن, گەولوگتار مەن مەملەكەتتىك قىزمەتشىلەردى تارتادى.
"Kazakhstan Day" اياسىندا قازاقستاننىڭ مەملەكەتتىك ورگاندارى مەن ۇلتتىق كومپانيالارىنىڭ وكىلدەرى كونفەرەنتسيا قاتىسۋشىلارىنا ەلىمىزدىڭ مينەرالدىق رەسۋرستارى نارىعىنىڭ بولاشاعى, ينۆەستورلار مەن بيزنەس ءۇشىن جاڭا مۇمكىندىكتەر, زاڭناماداعى جاڭالىقتار, سونداي-اق ينۆەستورلاردى قولداۋ شارالارى مەن قازاقستان نارىعىنداعى جۇمىس ەرەجەلەرى تۋرالى ايتىپ بەردى.
كونفەرەنتسيادا قر يندۋستريا جانە ينفراقۇرىلىمدىق دامۋ ۆيتسە-ءمينيسترى رۋسلان نۇراش ۇلى بايميشەۆ باتىس-اۆستراليالىق مودەلگە نەگىزدەلگەن جاڭا زاڭنامانى ىسكە اسىرۋدىڭ قىسقا كەزەڭىندە قازاقستاندا گەولوگيالىق بارلاۋ سالاسىندا كومپانيالار دامىپ كەلە جاتقانىن اتاپ ءوتتى. ءبىرىنشى كەزەكتە, بۇل ليتسەنزيا الۋ پروتسەسىن ايتارلىقتاي وڭايلاتۋمەن بايلانىستى. ماسەلەن, 2 جىل ىشىندە 1200-دەن استام جەر قويناۋىن پايدالانۋ قۇقىعى بەرىلدى.
قر يندۋستريا جانە ينفراقۇرىلىمدىق دامۋ مينيسترلىگىنىڭ وكىلدەرى مەملەكەتتىك جەر قويناۋى قورىن باسقارۋ باعدارلاماسى اياسىندا بارلاۋ ءۇشىن ەل اۋماعىنىڭ 750 000 شارشى شاقىرىمنان استام جەر قويناۋى بەرىلگەنىن حابارلادى. بۇگىنگى تاڭدا تەك 8% ليتسەنزيالانعان. قازاقستان اۋماعىنىڭ باسىم بولىگى ءالى دە پايدالى قازبالاردى ىزدەۋ جانە ءوندىرۋ شارالارىن ۇيىمداستىرۋعا قولجەتىمدى. گەولوگيالىق بارلاۋعا ليتسەنزيا بەرۋ ءراسىمى 10 جۇمىس كۇنىنەن اسپايدى.
گەولوگيالىق بارلاۋ جۇمىستارىنىڭ تەز ارتۋىنا بايلانىستى ەلىمىزدە پايدالى قازبالاردى بارلاۋ قىزمەتتەرى ايتارلىقتاي ءوستى. جەر قويناۋىن زەرتتەۋ نارىعىندا بۇرعىلاۋ, گەوفيزيكالىق, كونسالتينگتىك جانە ساراپتامالىق قىزمەتتەر كورسەتەتىن جاڭا جەرگىلىكتى يۋنيورلىق كومپانيالار, سەرۆيستىك كومپانيالار پايدا بولدى. بۇدان باسقا, پايدالى قازبالاردى بارلاۋ جانە ءوندىرۋ ءۇشىن ەڭ زاماناۋي تەحنولوگيالارى بار جەتەكشى الەمدىك تاۋ-كەن ءوندىرۋشى كومپانيالار قازاقستان نارىعىنا قىزىعۋشىلىق تانىتۋدا.
مۇنىڭ ءبارى ەل تۇرعىندارى ءۇشىن پايدالى. سالاداعى بەلسەندىلىكتىڭ جاندانۋى جاڭا جۇمىس ورىندارىنىڭ اشىلۋىنا جانە جالاقىنىڭ وسۋىنە اسەر ەتەدى.
