ايماقتار • 11 ناۋرىز، 2021

كۇرەستىڭ الدىڭعى شەبىندەگى ايەلدەر

48 رەت كورسەتىلدى

بۇۇ-نىڭ حالىقتى قونىستاندىرۋ قورى (يۋنفپا) ۇيىمداستىرعان «ايەلدەر COVID-19 قارسى كۇرەستىڭ الدىڭعى شەبىندە» فوتوكورمەسى رەسپۋبليكا سارايىندا ءوتىپ جاتىر. كورمەدە قازاقستاندىق دارىگەرلەر، ەرىكتىلەر، زاڭگەرلەر، قۇقىق قورعاۋشىلار مەن بەلسەندىلەر جايىندا فوتوسۋرەتتەر مەن بەينەلەر گالەرەياسى ۇسىنىلعان.

جوبا يدەياسىنىڭ اۆتورى – اكتريسا، بەلسەندى جانە ء«بوپe» وتباسى مەن نەكە ينستيتۋتىن جاڭعىرتۋ قورىنىڭ نەگىزىن قا­لاۋشى اينۇر يلياسوۆا. جو­بانىڭ شىعارماشىلىق توبىنا فوتوگراف باۋىرجان بيسميلدين، ۆيدەوگراف جانە رەجيسسەر ۆانيا ابراموۆ پەن جۋرناليست وكسانا ۆاسيلەنكو قاتىستى. كورمەدە ايەلدەردىڭ تاريحتاعى ەڭ قاتەرلى پاندەميا كەزىندە وز­گەلەرگە كورسەتكەن رياسىز كو­­مەگى مەن باتىل شەشىمدەرى بەي­نەلەنگەن.

«حالىقارالىق ايەلدەر كۇنى – بۇل بۇكىل الەمدەگى ايەل­دەردىڭ كۇش-جىگەرىن اتاپ ءوتۋ مۇمكىندىگى. پاندەميامەن كۇ­رەس­كە جۇمىلدىرىلعان جۇ­مىس­شىلاردىڭ باسىم كوپ­شىلىگى وسى ايەلدەر قا­ۋىمى. دارىگەرلەر مەن زاڭگەر­لەر­دەن باستاپ ەرىكتىلەر مەن ما­ڭىزدى سالالاردا قىزمەت اتقاراتىن قاتىسۋشىلاردان تۇراتىن بۇل فوتوكورمەدەن الەم­دىك داعدارىس جاعدايىنا قاراماستان، باتىلدىق، توزىم­دىلىك پەن جانقيارلىق تۋرالى اڭگىمەلەرىمەن تانىسۋعا بولادى. پاندەميا ادامزات بالاسىنا ءبارىمىز بىرلەسىپ جۇمىس اتقارعاندا عانا كوپ نارسەگە قول جەتكىزەتىنىمىزدى كورسەتتى. وسى كۇنى باسشىلىق لاۋازىمداردا قىزمەت اتقارمايتىن ايەلدەر دە مۇمكىندىك بار جەردە قوعامنىڭ ءار سالاسىنا وزگەرىس ەنگىزە الاتىندىعىن ەسكە سالايىق»، دەدى يۋنفپا-نىڭ قازاقستانداعى وكىلى جانە قىرعىزستان مەن تۇرىكمەنستان ءۇشىن ەلدىك ديرەكتورى دجۋليا ۆالەزە. بۇل رەتتە قازاقستانداعى بۇۇ تۇراقتى ۇيلەستىرۋشىسى ميكاەلا فريبەرگ-ستوري COVID-19-عا قارسى كۇرەستە دۇ­رىس شە­شىمدەردى قابىلداۋ ءۇشىن اي­ەل­دەردىڭ ءرولى ماڭىزدى ەكەنىن اتاپ ءوتتى.

ينفەكتسيونيست-دارىگەر جا­نە ۆيرۋسولوگ قارلىعاش ابديەۆا شىلدە ايىنان باستاپ COVID-19 تەستىلەۋ دياگنوستيكا بو­لى­مىندە جۇمىس ىستەپ كەلەدى. كور­مە سيۋ­جەتىنە ارقاۋ بولعان مامان قيىن شاقتا كومەك قولىن سو­زۋعا ءار كەز دايىن ەكەنىن ايتادى. «مەن ناۋرىز ايىنان باستاپ «قىزىل ايماقتا» جۇمىس ىستەيمىن. ولار ماعان باتىر ەكەنىمدى ايتقاندا تاڭعالامىن. ءيا، ءبىزدىڭ ارامىزدا قورقىپ، كەتىپ قالعاندار بولدى، بىراق مەن كەتىپ قالسام دارىگەردىڭ اق حالاتىنا ساتقىندىعىم بولىپ ەسەپتەلەتىنىن سەزىندىم. سول سەبەپتى دە كومەككە مۇقتاج ادام­داردى قيىندىقپەن جالعىز قالدىرۋدى ءجون كورمەدىم»، دەيدى ول.

COVID-19 داعدارىسىنا قوسقان ايەلدەردىڭ ۇلەسى تۋرا­لى شاعىن ەسسەلەر مەن وزگە دە ماتەريالداردى ۇيىمنىڭ رەسمي سايتىنان كورۋگە بولادى. فوتوكورمە رەسپۋبليكا سارايىندا، سونداي-اق مەترو ستانساسى مەن Mega ساۋدا ويىن-ساۋىق ورتالىعىندا جالعاسادى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار